Loading
🌴 בצל הקודש סאטמאר 🌴 - רבינו שליט"א ביים מסיבת לחיים היינט נאך תפילת שחרית בהיכל המתיבתא סניף דברי יואל לרגל די שמחת קישור החיתון פון נכדו החתן פרע"ח הרב ישכר בער טייטלבו..   |  🌴 בצל הקודש סאטמאר 🌴 - תהילים שיעור פון היינט מאנטאג ויצא אין ישיבה סניף קדושת יואל אויף קאפיטל ל"ד פסוק ה'.   |  🌴 בצל הקודש סאטמאר 🌴 - דב''ק ביים מסיבת לחיים היינט נאך תפילת שחרית בהיכל המתיבתא סניף דברי יואל לרגל די שמחת קישור החיתון פון נכד רבינו החתן פרע"ח הרב ישכר בער טייטלבוים..   |   🌴 בצל הקודש סאטמאר 🌴 - רבינו שליט"א ביים מסיבת לחיים היינט נאך תפילת שחרית בהיכל המתיבתא סניף דברי יואל לרגל די שמחת קישור החיתון פון נכדו החתן פרע"ח הרב ישכר בער טייטלבו..   |  🌴 בצל הקודש סאטמאר 🌴 - תהילים שיעור פון היינט מאנטאג ויצא אין ישיבה סניף קדושת יואל אויף קאפיטל ל"ד פסוק ה'.   |  🌴 בצל הקודש סאטמאר 🌴 - דב''ק ביים מסיבת לחיים היינט נאך תפילת שחרית בהיכל המתיבתא סניף דברי יואל לרגל די שמחת קישור החיתון פון נכד רבינו החתן פרע"ח הרב ישכר בער טייטלבוים..   |  

אונטער די קוליסן פון 911 קאלס: ברוקלין חברים דיספעטשערס באקומען אן אריינבליק אין די שטאטישע עמערדזשענסי אפעראציעס

ד תשרי תשפ"ז

0 294
Main image for אונטער די קוליסן פון 911 קאלס: ברוקלין חברים דיספעטשערס באקומען אן אריינבליק אין די שטאטישע עמערדזשענסי אפעראציעס

בס"ד

היסטארישע באזוך: עלטערע דיספעטשערס פון 'חברים ד'ברוקלין' באזוכן ביי די FDNY דיספעטש צענטער

א צאל עלטערע און איבערגעגעבענע דיספעטשערס פון 'חברים ד'ברוקלין' האבן אפגעשטאט א ספעציעלן באזוך ביי די הויפט קווארטירן פון די ברוקלין 'דיספעטש' אפעראציעס פון די פייער דעפארטמענט (FDNY), צו באקומען אן אינעווייניגסטן בליק ווי אזוי די ניו יארק סיטי 911 סיסטעם נעמט אויף און קאארדינירט עמערדזשענסי רופן.

דורכאויס דעם באזוך האבן די חברים דיספעטשערס געהאט די געלעגנהייט מיטצוהאלטן לעבעדיג ווי אזוי די אריינקומענדיגע 911 רופן ווערן אויפגעכאפט, פראצעסירט, און גלייך ווייטער געשיקט צו די פאסיגע עמערדזשענסי אגענטורן. דאס האט זיי געגעבן א קלארן בילד פון די קאמפליצירטע סיסטעמען און די שווערע ארבעט וואס די שטאטישע ארבייטער טוען אונטער די קוליסן פונעם שטאטישן עמערדזשענסי נעצווערק.

דער באזוך האט אויך געדינט אלס א געוואלדיגע געלעגנהייט פאר די וואלאנטירן און די שטאטישע עמערדזשענסי פערסאנאל זיך אויסצוטוישן מיט וויכטיגע אינפארמאציע און עצות, ווי אויך צו פארשטארקן די קאארדינאציע און צוזאמענארבעט וואס קומט פאר טעגליך ווען חברים מעמבערס רעספאנדירן צו אינצידענטן איבער גאנץ ברוקלין.

אין די זעלבע צייט האט 'חברים ד'ברוקלין' ארויסגעגעבן אן אומגלויבליכע ציפער, אז אין לויף פונעם פארגאנגענעם יאר האבן זיי באהאנדלט א רעקארד-ברעכנדע צאל פון 77,000 רופן. די ריזיגע נומערן אונטערשטרייכן די ברייטע פארנעם פון די ארגאניזאציע'ס אפעראציעס און די וויכטיגקייט פון א שטארקע קאארדינאציע מיט די שטאטישע אגענטורן.

ווי באקאנט, אפערירט חברים 24 שעה א טאג, ארום די זייגער, מיט הונדערטער וואלאנטירן און דיספעטשערס וואס זענען גרייט צו יעדער צייט ארויסצוהעלפן די קאמיוניטי איבער פארשידענע ניו יארקע געגנטער. די כסדר'דיגע ארבעט ברענגט אפט די וואלאנטירן אין דירעקטע קאנטאקט מיט די לאקאלע פאליציי און פייער דעפארטמענטס.

די פירערשאפט פון חברים האט אויסגעדריקט א הארציגן דאנק פאר די FDNY פאר'ן אויפנעמען די דיספעטשערס אזוי שיין און פאר זייער כסדר'דיגע שותפות אין דינען די ניו יארקער איינוואוינער.