Loading
זעמל - טינעק - חברים פון בערגן קאונטי האט צוגעשטעלט א מיטאג פאר פאליציי אפיצירן פון שטאט טינעק, צו פארשטערקערן די מיטארבעט מיט די אגענטור.   |  זעמל - קרית צאנז - מרן הגאון רבי דוב לאנדא שליט"א ראש ישיבת סלאבאדקע האט פריער באשיינט די שמחת החתונה פון אן אייניקל ביי האדמו"ר מצאנז.   |  זעמל - אוקריינע - די שטאט אומאן ליידט די לעצטערע וואכן פון מערערע קורצשלוסן וואס ציען זיך פאר לאנגע שעות דורכאויס די טאג און נאכט שעות..   |   זעמל - טינעק - חברים פון בערגן קאונטי האט צוגעשטעלט א מיטאג פאר פאליציי אפיצירן פון שטאט טינעק, צו פארשטערקערן די מיטארבעט מיט די אגענטור.   |  זעמל - קרית צאנז - מרן הגאון רבי דוב לאנדא שליט"א ראש ישיבת סלאבאדקע האט פריער באשיינט די שמחת החתונה פון אן אייניקל ביי האדמו"ר מצאנז.   |  זעמל - אוקריינע - די שטאט אומאן ליידט די לעצטערע וואכן פון מערערע קורצשלוסן וואס ציען זיך פאר לאנגע שעות דורכאויס די טאג און נאכט שעות..   |  

אידישע ארגאניזאציעס ביי א ראלי פארנט פון די יו-ען פאדערן פון וועלט פירער צו נעמען שריט קעגן אנטיסעמיטיזם

י"ג תשרי תשפ"ז

0 201
Main image for אידישע ארגאניזאציעס ביי א ראלי פארנט פון די יו-ען פאדערן פון וועלט פירער צו נעמען שריט קעגן אנטיסעמיטיזם

בס"ד

הונדערטער ביי א מאסיווע ראלי פארנט פון די יו-ען הויפטקווארטיר אין מאנהעטן צו פאדערן שריט קעגן אנטיסעמיטיזם

הונדערטער מענטשן האבן זיך מיטוואך פארזאמלט פארנט פון די יו-ען הויפטקווארטיר אין מאנהעטן פאר א גרויסע ראלי, וואו מען האט געפאדערט פון וועלט פירער צו נעמען שטרענגערע שריט קעגן דעם שרעקליכן וואוקס פון אנטיסעמיטיזם איבער די וועלט.


די פראטעסט ראלי, אונטערן נאמען "נאו מאר עקסקיוזעס" (קיין תירוצים מער נישט), איז פארגעקומען ביי די 'דאג האמארשאלד פלאזא', פונקט אין די צייט וואס פירער פון איבער די גאנצע וועלט זענען צוזאמגעקומען אין ניו יארק פאר די יערליכע יו-ען דזשענעראל אסעמבלי.


די אקציע איז ארגאניזירט געווארן דורך א ברייטע קאאליציע פון פארשידענע אידישע ארגאניזאציעס, אריינגערעכנט די UJA פעדערעישאן פון ניו יארק, JCRC, די אנטי-דעפעמעישאן ליג (ADL), די קאנפערענץ אוו פרעזידענטס, ישיבה יוניווערסיטי, און נאך.


די ארגאניזירער האבן געפאדערט פון רעגירונגען איבער די וועלט צו נעמען קאנקרעטע שריט אפצושטעלן די אנטיסעמיטיזם פלאג. צווישן אנדערע האבן זיי פארלאנגט אז לענדער זאלן אדאפטירן נאציאנאלע פלענער, פארשטארקן די זיכערהייט ביי אידישע מוסדות און בתי מדרשים, און זיך נעמען איבער די פארשפרייטונג פון אנטיסעמיטישע העצע און פאלשע אינפארמאציע אויף די אינטערנעט.


דורכאויס דעם ראלי האבן פארשידענע רעדנער אויפגעטראטן פארן ציבור, בשעת די באטייליגטע האבן געהאלטן שילדן מיט אויפשריפטן ווי "אינאף איז אינאף" (גענוג איז גענוג), "די וועלט מוז טון דערוועגן", און "שטעלט אפ אנטיסעמיטיזם יעצט".


די לאקאציע און צייט פונעם ראלי איז ספעציעל אויסגעקליבן געווארן צו זיין נעבן די יו-ען פונקט אין די וואך וואס די וועלט פירער זענען דארט, כדי צו פארזיכערן אז דער קאמף קעגן אנטיסעמיטיזם בלייבט אויפן אגענדע און ווערט נישט פארגעסן בשעת די פירער זענען פארזאמלט אין מאנהעטן.