טויזנטער חסידי סאטמאר האבן די וואך מיטגעלעבט די גרויסע שמחת החתונה פונעם חתן, אן אייניקל פון כ"ק אדמו"ר מסאטמאר שליט"א, א זון פון זיין איידעם הרה"ג ר' יואל שמעון פרידמאן שליט"א (א זון פון הגה"צ ר' ירמיהו פרידמאן, דומ"ץ שאפראן). די כלה איז א טאכטער פון הרה"ג ר' ברוך יהודה האלבערשטאם שליט"א (א זון פון אב"ד טשאקאווא זצ"ל און אן איידעם פונעם קאזלאווער רבי'ן שליט"א).

דער הויעכפונקט פון דער געהויבענער שמחה איז געווען אין די שפעטע נאכט שעות, ווען דער ציבור האט מיטגעהאלטן מיט גרויס התרגשות די ריקודי קודש פונעם רבי'ן שליט"א ביים מעמד 'מצוה טאנץ'.