השתדלו והרבו תחינה - עצרת תפילה היינט אויפדערנאכט אין ביהמ"ד קאסוב נאך פארערגערונג אינעם מצב הבריאות ביי האדמו"ר מקאסוב: חסידי קאסוב זענען היינט ווידעראמאל פאררופן געווארן צו א עצרת תפילה מתפלל צו זיין און איינרייסן וועלטן לרפואת רבם ומאורם האדמו"ר מקאסוב לרפו"ש וועמענס מצב הבריאות האט זיך אין די לעצטערע שעה'ן פארערגערט און דער רבי איז אויפן ראט פון די דאקטוירים אריין גענומען געווארן אין שפיטאל אויף באהאנדלונגען. כלל ישראל איז מתפלל לרפואת מרן שרגא פייביש בן מלכה בתוך שאר חולי ישראל, והן א-ל כביר לא ימאס תפילת רבים.

אין אנדערע נייעס : דעם שבת ביי שלש סעודות בעת רעוא דרעוין, האט כ"ק אדמו"ר מבאבוב 45 שליט"א אויפגעפאדערט פונעם ציבור צו מתפלל זיין און מעורר זיין רחמי שמים לרפואתו השלימה פון אחד מגדולי האדמורי"ם אין שטאט בארא פארק, כ"ק אדמו"ר מקאסוב שליט"א הרה"צ רבי שרגא פייוויש בן מלכה, וועלכער איז אנגעוויזן אויף רחמי שמים מרובים. דער רבי האט דערמאנט אז דא אין אונזער געגנט איז דא א אדם גדול דער קאסובער רבי שליט"א, וועלכער איז ליידער נישט געזונט און איז אנגעוויזן אויף תפילות, דאן האט דער רבי געהייסן זינגען דעם ניגון המקובל פון הרה"ק רבי ר' מיכלע מזלאטשוב זי"ע, זאגענדיג אז זינגען דעם ניגון איז מעורר רחמים רבים, און מען זאל אינזין האבן דעם קאסובער רבי שליט"א.

אידישע נייעס