א איד מיט'ן נאמען רב גוטמאן איז געווען דער "ראביי" ("טשעפלען) פונעם תפיסה אין וואדבורן. מיט בערך דרייסיג יאר צוריק האט ער אמאל באקומען א טעלעפאן-רוף, אז דער ריבניצער רבי וויל קומען באזוכן א איד וועלכער זיצט אין תפיסה. דעמאלט האט מען נאר געקענט קומען זונטיג, צו באזוכן אין יענעם אפטיילונג, האט ער געזאגט, אז דער רבי קען קומען זונטיג. זונטיג אינדערפרי איז דער רבי טאקע אהין געקומען. געווענליך אונטערזוכט מען יעדן באזוכער דארט (מען דארף דורכגיין דעם "מעטאל- דיטעקטאר" און אויספאקן די טאשן), ווען דער רבי איז אבער געקומען איז באפאלן אזא פחד פאר די וועכטער'ס דארט, אז קיינער האט זיך נישט דערוואגט צו אונטערזוכן דעם רבי'ן! (רב גוטמאן האט געזאגט, אז ער געדענקט נישט, אין די פופציג יאר וואס ער האט געדינט אלס טשעפלען דארט, אז ס'זאל זיין אזא זאך!). דער רבי האט פארברענגט דארט מיט דעם איד, און פאר'ן אוועק גיין, האט דער רבי אים געזאגט: - דעם דאנערשטג ווערסטו באפרייט!

ווער עס איז באהאווענט אין די אמעריקאנער געזעצן ווייסט, אז כדי צו קענען באפרייט ווערן פון טורמע מוז מען דורך גיין א משפט אין געריכט, אין וועלכ'ן דער ריכטער דארף באשטעטיגן צי מ'זאל אים באפרייען, און אהן דעם קען מען נישט באפרייט ווערן. דערפאר האבן די ווערטער פון רבי'ן, אז ער גייט דאנערשטיג באפרייט ווערן, אויסגעזען נישט במציאות, וויבאלד אז עס האט דעם איד בכלל נישט אפגעווארט קיין משפט דאן.

דער פאקט איז אבער געווען: 

דאנערשטאג איז דער איינגעשטעלטער אינעם טורמן צוגעקומען צו דעם איד און געזאגט 

 נעם דיינע זאכן און גיי אהיים!

רב גוטמאן האט אויסגעפירט 

אין די היסטאריע איז נאך אזאנס נישט געווען!