ער איז געבוירן אין שטאט האלאש, כ' אייר תרכ"ב. 

צו זיין טאטן הגה"ק רבי אליעזר זוסמאן בעל ילקוט אליעזר אב"ד פאקש זי"ע,

בן הגה"ק רבי מרדכי אפרים פישל סופר זי"ע,

בן הגה"ק רבי אליעזר זוסמאן סופר מפרשבורג זי"ע,

און צו זיין מאמע הרבנית הצדקת מרת חי' שרה ע"ה,

בת הגה"ק רבי יואל אונגאר אב"ד פאקש בעל שו"ת ריב"א זי"ע, הנקרא ר' יואל רכניץ זי"ע. 

ער איז געווען א ברידער מיט די גדולי התורה,

הגה"ק ר' שמעון סופר אב"ד סענדרא זי"ע,

הגה"ק ר' שמואל בנימין סופר אב"ד דערעטשקע זי"ע,

הגה"ק ר' ישראל אפרים מרדכי בעל זכרון אפרים משארוואר זי"ע,

הגה"ק ר' יהודה סופר בעל מטה יהודה מאראד זי"ע,

הגה"ק ר' משה אברהם אב"ד טשארנא זי"ע. 

ער איז געווען א גאון מופלג און א צדיק תמים, א איש כליל המעלות א גרויסע מנהיג העדה, ער האט מרביץ תורה געווען פאר הונדערטער תלמידים, ער איז געווען א אב היתומים וואס צענדליגע יתומים האט דער גאון ארויסגעהאלפן, ער האט עוסק געווען אין חסד א מוראדיגע מסירת נפש. 

ער איז געווען א בקי בש"ס ופוסקים און עוסק געווען בתורה ועבודה יומם ולילה, ער האט מרביץ תורה געווען פאר אסאך תלמידים ובפרט פאר די תלמידים וואס זענען געקומען פון ארימע משפחות האט ער זיך אוועק געגעבן מיט א געוואלדיגע מסירת נפש. 

ער האט גאר אסאך פון זיין אייגען געלט אויסגעגעבן פאר צדקה וחסד. 

ער האט אסאך עוסק געווען אין מתקן זיין תקנות וואס האט געראטעוועט אידישקייט אין זיין שטאט, אויך איז ער געווען א גבאי פון כולל שומרי החומות רבי מאיר בעל הנס, און מחזק געווען אויף  צושטעלן אין ירושלים א הכנסת אורחים.  

ער האט געלערנט ביי זיין טאטן זי"ע, און דערנאך בי זיין זיידן הגה"ק רבי יואל אונגאר מפאקש זי"ע, און דערנאך אין די ישיבה פון הגה"ק רבי משה פאללאק בעל וידבר ותיקון משה באניהאד זי"ע.

שפעטער האט ער געלרענט אין די ישיבה און פרעשבורג ביי הגה"ק רבי שמחה בונם סופר זי"ע, דער זוהן פון הגה"ק בעל כתב סופר זי"ע. 

ער האט באקומען סמיכה לרבנות פון זיין זיידן הגה"ק רבי יואל אונגאר מפאקש זי"ע. 

ער האט חתונה געהאט מיט הרבנית הצדקת מרת ראכל ע"ה,

בת הגה"ק רבי דוד יהודה סג"ל פאללאק אב"ד מאדיאר לאפאש זי"ע,

בן הגה"ק רבי יצחק זעקל פאללאק זי"ע,

די חתונה איז פארגעקומען אין שטאט לאפאש, ווי אסאך צדיקים פונעם דור האבן זיך באטייליגט.  

דער שווער הגה"ק ר' דוד יהודה זי"ע איז געווען א גרויסע סיגוטער חסיד, און דורך דעם איז ער נתקרב געווארן צו הרה"ק בעל הקדושת יו"ט מסיגוט זי"ע, אויך איז ער געפארן צו הרה"ק משינאווא זי"ע, און צו הרה"ק רבי יהושע מבעלזא זי"ע.  

די ברידער הגה"ק ר' ישראל אפרים מרדכי בעל זכרון אפרים משארוואר זי"ע איז ליידער נפטר געווארן יונגערהייט ג' כסלו תרנ"ג, דאן האט דער צדיק אויפגעצויגען די קינדער ווי זיינע אייגענע קינדער,

הגה"ק ר' אברהם יעקב אב"ד טעטה זי"ע,

והגה"ק ר' מנחם סופר אב"ד מאראשווארהעלי זי"ע,

והגה"ק ר' יצחק צבי אב"ד טעמעשוואר זי"ע.

 המשך א.

ער האט אויפגעשטעלט אסאך תלמידים גאונים, און זיך מוסר נפש געווען פאר זייערע געברויכען. 

יענע צייטן האבן די בחורים געגעסן ביי בעלי בתים אונעם שטאט, אבער צווישען די תלמידים זענען געווען תלמידים וואס האבן זיך געשעמט צו עסן ביי פרעמדע בעלי בתים, האט דער צדיק אויפגעשטעלט א בית התבשיל ווי די אלע בחורים זאלן האבן ווי צו עסן.  

הגה"ק ר' שמעון שווארץ ז"ל א תלמיד פונעם רבין האט דערציילט, ווען ער האט געלערנט ביים רבין אין פאקש איז איין זומער געווען א שווערע טריקעניש עס האט כמעט נישט גערעגנט, און דאס האט אפגעהאלטן די פעלדער פון וואקסן געהעריג.  

איז א גוי פון שטאט וואס האט געהאט אסאך פעלדער געקומען צום רבין בעטן אז דער צדיק זאל מתפלל זיין פאר רעגן, ווייל אויב נישט וועט ער אלעס פארלירען, דער צדיק האט אים מבטיח געווען אז עס וועט קומען א רעגן בקרוב.  

כך הוה אפאר טאג שפעטער האט זיך אראפגעלאזט א רעגן מיט א געוואלדיגע שפע און די פעלדער זענען שיין געוואקסן, שפעטער האט דער גוי געשיקט פארן רבין א מתנה זעק מיט ווייץ און האלץ פארן ווינטער צו הייצן די אויווען. 

האט די רבי גלייך געשיקט די ווייץ צום בעקער פונעם שטאט ר' קלמן ז"ל און געהייסן אז ער זאל פון דעם באקן ברויט פאר די בחורים פון ישיבה.  

האט ר' שמעון שווארץ ז"ל געזאגט אז ער האט געהערט ווי דער צדיק האט געזאגט שפעטער בזה"ל "איך בין מיך מצער אויף וואס איך האב דעם גוי מבטיח געווען די רעגן, ווייל וואס טראכט דער גוי, ווער בין איך דען, איך ווייס דאך יא אז דער גרויסער באשעפער האט געברענגט די רעגן און נישט איך". 

בערך בשנת תרמ"ה זייענדיג 23 יאר אלט איז ער געווארן רב אין שטאט דערעטשקע. 

דארט האט ער מרביץ תורה געווען פאר הונדערטער תלמידים מיט א געוואלדיגע מסירת נפש, ער האט דארט אין שטאט מתקן געווען אסאך תקנות, אויך האט ער דארט מייסד געווען "חברת לומדי תורה" ווי יעדער האט דארט אונטער געשריבען צו איינהאלטן די טעגליכע שיעורים מידי יום ביומו. 

ער האט דארט גאר אסאך ארויפגעברענגט די אידישקייט אונעם שטאט.

 המשך ב.

ט' תשרי ערב יום הקדוש תרס"ג איז זיין טאטע נסתלק געווארן, דאן האט ער איבער גענומען דאס רבנות און ממלא מקום געווען אויפן טאטן'ס פלאץ אין פאקש. 

דארט אין פאקש איז דער רב געווען שטארק באליבט ביי די קהלה מען האט אים שטארק מכבד געווען. 

מיט זיין גרויסע כח התורה האט ער אסאך אויפגעטון, ער האט דארט ווייטער געפירט זיין ישיבה וואס פון דארט זענען ארויסגעקומען גדולי תורה. 

ער האט זיך אוועק געגעבן סיי פאר זיינע תלמידים און סיי פאר די קהלה.  

זומער בשנת תרע"ח איז דער צדיק געפארן קיין וואשארהעלי צו זיך משתתף זיין אין די הכתרה פון זיין ברידער'ס זוהן אלס רב הגה"ק רבי מנחם סופר זי"ע, און ליידער פלוצלונג איז דער צדיק נסתלק געווארן דארט אין שטאט זייענדיג נאר 57 יאר אלט,

ער האט געהאט חשובע תלמידים. 

הגה"ק רבי מנחם סופר אב"ד וואשארהעלי זי"ע,

הגה"ק רבי יצחק צבי סופר אב"ד טעמישוואר זי"ע,

הגה"ק רבי אברהם יעקב סופר אב"ד טעטה זי"ע,

הגה"ק רבי פישל סופר אב"ד מיישא זי"ע,

הגה"ק רבי שלום דוב פישל אב"ד ורפלט זי"ע,

הגה,ק רבי יוסף אשר פולק אב"ד ורפלט זי"ע,

הגה"ק רבי ישראל ולץ ראב"ד בודפשט זי"ע,

 דער צדיק האט ליידער נישט איבער געלאזט נאך זיך קיין זש"ק, אבער ער האט איבער געלאזט הייליגע חבורים:

ספר ילקוט סופר, על התורה, ליקוטי מדרשים ופירושים,

ספר ליקוטי סופר, ליקוט הלכות מחז"ל, פירוש על תרי"ג מצוות

דרשות ילקוט סופר. 

נסתלק לגנזי מרומים ביום א' שלח כ"ב סיון תרע"ח.  

ומנוחתו כבוד איז אין ביה"ח אין שטאט פאקש. 

זכותו הגדול יגן עלינו ועל כל ישראל אמן.

 מתוך צוואת רבינו זי"ע

נפשי בשאלתי לפרסם  בקשתי שילמדו משניות או שיזכרו שמי ושם אמי ע"ה  ויזכרו לפעמים הן באגדה והן בהלכה  שנדפס בספרים מממני. 

ואני אטיב עמהם בלנ"ד להמליץ טוב בעדם לפני קל חי הגומל לחייבים חסדים טובים. 

ואם יבואו על קברי ויתפללו ויאמרו איזה מזמורי תהלים ג"כ, אשתחוה גם אני לפני שומע קול בכיות עמו ישראל ברחמים ואצטרף תפלתי עמהם לטוב להם כל הימים אמן סלה.

לערן א משנה און צינד אן ליכט לעילו נשמת:

הגה"ק רבי יוסף ליב ב"ר אליעזר זוסמאן זי"ע

די זכות פונעם צדיק וועט זיכער מיגן זיין.

הָיְתָה שָׂדֵהוּ זְרוּעָה קַנְבּוֹס אוֹ לוּף, לֹא יְהֵא זוֹרֵעַ וּבָא עַל גַּבֵּיהֶם, שֶׁאֵינָן עוֹשִׂין אֶלָּא לִשְׁלֹשָׁה שָׁנִים. 

תְּבוּאָה שֶׁעָלָה בָהּ סְפִיחֵי אִסְטִיס, וְכֵן מְקוֹם הַגְּרָנוֹת שֶׁעָלוּ בָהֶן מִינִין הַרְבֵּה, וְכֵן תִּלְתָּן שֶׁהֶעֱלָה מִינֵי צְמָחִים, אֵין מְחַיְּבִין אוֹתוֹ לְנַכֵּשׁ. 

אִם נִכֵּשׁ אוֹ כִסַּח, אוֹמְרִים לוֹ, עֲקֹר אֶת הַכֹּל חוּץ מִמִּין אֶחָד:

ארויפצוגיין אויפן גרופ דרוקט דא 

https://chat.whatsapp.com/FgBA9sHhLTn8S8WNHIQo2d