פון זיך אליינס צוריק אין פלאץ
הרב יעקב חיים רטונער ז"ל האט פארציילט:
א בחור האט אמאל געכאפט א שטארקן קלאפ אין קאפ מיט א אייזן . ווען א דאקטער האט אים דערנאך אונטערזוכט, האט ער באשטעטיגט אז מ'דארף אפערירן,
און ער האט געהייסן דער טאטע פונעם בחור אונטערשרייבן, אז ער איז מסכים מ'זאל מאכן די אפעראציע. האט דער טאטע געבעטן מ'זאל אים געבן אביסל צייט, און ער איז אריבער צום רבי'ן ביינאכט. ער האט דערציילט פאר'ן רבי'ן נאכוואס ער איז געקומען, און דער רבי האט געזאגט מ'זאל שרייבן א קוויטל. היות אז די גבאים זענען פונקט נישט געווען דעמאלט דארט, האט ער געבעטן א יונגערמאן וואס איז געווען אין בית המדרש, ער זאל אים שרייבן א קוויטל, און ער האט געגעבן דעם קוויטל פאר'ן רבי'ן. דער רבי האט געליינט דאס קוויטל, און געהייסן מאכן די אפעראציע.
דערנאך איז דער רבי צוריק צו זיין הייליגער עבודה, בערך נאך א שעה, קומט דער רבי ארויס פון זיין צימער און געפרעגט ר' יצחק וואלף (וועלכער איז שוין דאן געווען צוריק ביים רבי'ן):- וואס הערט זיך מיט'ן בחור?
שפעטער האט דער רבי נאכאמאל געפרעגט וואס הערט זיך מיטן בחור האט ר' יצחק וואלף זיך אנגעהויבן נאכצופרעגן, וואס דא איז? האט מען אים געזאגט, אז איינער האט מזכיר געווען פאר'ן רבי'ן זיין בחור וועלכע האט געכאפט א שארקע קלאפ אין קאפ
האט ר' יצחק וואלף אנגערופן אין שפיטאל, און גערעדט מיט'ן דאקטער וואס האט אפערירט. דער דאקטער האט אים געזאגט: - איך האב נאך קיינמאל אזא אפעראציע נישט געהאט! ווי נאר איך האב נאר געעפנט דעם קאפ פונעם בחור, איז פון זיך אליין דער פראבלעם צוריק אין פלאץ, און איך האב גארנישט געדארפט טון, נאר בלויז צוריק פארמאכט דעם קאפ!
גאלערי