כי תבנה בית חדש, לָאַלָפִים!!! עיר הגדול לאלקים קרית יואל יצ"ו גייט אריין דעם זומער אין קאנסטרוקציע אויף 1,740 דירות בליעה"ר!

עס געדענקט זיך נאך ווען דער סאטמארער שטאט "קרית יואל" איז גערופן געווארן בלשון חיבה "שטעטעלע"... אבער א בליק אויפ'ן מציאות צייגט אז דער וואוקס איז בליעה"ר אסטראנאמיש, און בלויז אינעם גרעניץ פון קרית יואל ווילעדזש אליינס, אן אלע ארומיגע ווילעדזשעס אינערהאלב די שטאט, גייען יעצט אריין אין קאנסטרוקשן אזויפיל ווי קרוב צו 2,000 דירות, וואס וועט ארויפברענגען די צאל איינוואוינער צו 10,000 בליעה"ר!

די פראיעקטן וואס ווערן שוין יעצט צוגעגרייט זיך אנצוהייבן בויען במשך דעם זומער זענען ווי פאלגנד, אין סדר פון די גרויסקייט:

· 420 דירות דורך מו"ה יחזקאל בראך ושותפו מו"ה משה פריעדמאן, אויף פארעסט ראוד.

· 340 דירות אין "פראיעקט נומער #3" אין שכונת ויואל משה דורך מו"ה עקיבא הערש קליין ושותפו מו"ה מאיר יעקב אינדיג

· 200 דירות ביי שכונת ויואל משה דורך מו"ה יעקב אינדיג ושותפו מו"ה משה דוד נידערמאן

· 200 דירות אינעם פארבליבענעם חלק פון שכונת דברי יואל, אינעם פראיעקט פון מו"ה בנימין ווערצבערגער ושותפו מו"ה יואל בראך

· 210 דירות אין שכונת עצי תמרים, חברון, דורך מו"ה יוזפא לאנדא

· 150 דירות דורך מו"ה חיים נחום ווערצבערגער, עטליכע פרישע בנינים אויף פארעסט ראוד (אראפ די גאס ביז סקאנעמאנק)

· 100 דירות דורך מו"ה יעקב זוסמאן סופר ביים ליידיגן וואלד אויף מאונטעין ראוד (קאר. טעיטש)

· 94 דירות דורך מו"ה אהרן וויינבערגער נעבן בעיקערטאון, קאונטי רוט 105

א מערהייט פון די דירות נעמען שוין יעצט אן דעפאזיטס, אזוי אז פאטענציאלע קונים קענע שוין יעצט פארזיכערן בע"ה זייער דירה אויף געציילטע יאר ארום.

אין א שמועס מיט עטליכע פון די דעוועלאפער שטעלט זיך ארויס אז יעדע דעוועלאפמענט באזונדער האט צו פארשטעלן פארשידענע מעלות, בעת איינער איז מער אין צענטער שטעלט דער צווייטער צו הערליכע אפגרעידס און סערוויסעס, זה בכה וזה בכה, אבער הצד השוה שבהן אז עס בויט זיך נאנט צו 2,000 פרעכטיגע לעכטיגע אידישע דירות, אן אבנארמאלער וואוקס בלי עין הרע.

ורוח הקודש אומרת כן ירבה וכן יפרוץ!!!