יארצייטן פון צדיקים.

מיטוואך - ה' אייר.

הגה"ק רבי אברהם משה זרח ב"ר מאיר זי"ע, (איידליץ), בעל אור לישרים, מפראג, 

תק"מ.

הגה"ק רבי ישעיהו ב"ר אריה לייבוש זי"ע, (פיק), בעל יש סדר למשנה, מבערלין, 

תקנ"ט.

הגה"ק רבי מאיר ב"ר יצחק איצק זי"ע, (אויערבאך), 

בעל אמרי בינה, אב"ד קאליש וראב"ד ירושלים, 

תרל"ח.

הרה"ק רבי ברוך מאיר ב"ר מנחם נחום זי"ע, (טברסקי), מאזארניץ, 

תרע"א.

הגה"ק רבי שמואל ב"ר משה יהודה לייב זי"ע, (גינצלער), 

בעל משיב נפש, אב"ד ור"ם אויבערווישא, 

תרע"א.

הרה"ק רבי אליעזר חיים ב"ר ברוך זי"ע, (ראבינאוויטש), מיאמפלא, האדמו"ר הראשון בארה"ב,

תרע"ו.

הרה"ק רבי ישראל איסר ב"ר יהודה זי"ע, (לאנדא), מסאדיגורא, 

תרפ"א.

הרה"ק רבי מנחם מענדל ב"ר נפתלי זי"ע, הי"ד, (הורוויץ), ממעליץ, 

תש"ב.

זכותם יגן עלינו 

ועל כל ישראל אמן.

יארצייט - מיטוואך ה' אייר

הרה"ק רבי אליעזר חיים ב"ר ברוך זי"ע, (ראבינאוויטש), מיאמפלא, האדמו"ר הראשון בארה"ב

ער איז געבוירן אין שטאט יאסי, בערך בשנת תר"ח. 

צו זייו טאטן הרה"ק רבי ברוך מיאסי, מיאמפאלא זי"ע,

בן הרה"ק רבי יצחק מיאמפאלא זי"ע, חתן הרה"ק רבי ברוך ממעזיבוז זי"ע,

בן הרה"ק רבי יוסף מיאמפאלא זי"ע,

בן הרה"ק המגיד מזלאטשוב זי"ע. 

און צו זיין מאמע הרבנית הצדקת מרת מלכה חיה ע"ה, 

בת הגה"ק רבי שמואל הורביץ מווחואווקע זי"ע,

נכד בן אחר בן ביז הגה"ק בעל השל"ה הקדוש זי"ע.  

פאר ער איז געבוירן זענען די עלטערן געגאנגען צו הרה"ק רבי מאיר מפרמישלאן זי"ע, און דער הייליגער רבי מפרמישלאן האט געזאגט צום טאטן, עס וועט דיר אי"ה געבוירן ווערן א קינד וואס וועט פארשיינען די וועלט מיט זיין קדושה, און געגעבן א זאלב און א צודעק, און געזאגט אז מען זאל דעם קינד אנשמירן מיט דעם זאלב און צו דעקן מיט דעם דעק און ער וועט מאריך ימים זיין.  

דער טאטע זי"ע האט אים מחנך געווען בקדושה וטהרה, ביי די בר מצוה איז דער קינד שוין געווען בקי בנגלה ובנסתר. 

ער איז געווען באוויסט אלס א בעל מופת. 

אסאך זענען ביי אים געהאלפן געווארן שלא כדרך הטבע, ובפרט מענטשן וואס האבן געברויכט ישועות פאר קינדער און קראנקע. 

בשנת תר"ן איז ער געפארן קיין אמעריקע, אבער אפאר יאר שפעטער איז ער צוריק געפארן קיין פוילין, ביי די ערשטע וועלט מלחמה איז ער געפארן מיט א שיף קיין ארץ ישראל, אבער ווען ער איז דורכגעפארן טורקיה האבן די טערקישע אנגעהויבן סטראשענן דעם שיף מיט געווער, דאן האט זיך דער שיף אוועקגעדרייט און געפארן קיין אמעריקע. 

ביי זיין 14 יאר איז ער געווארן א יתום פונעם טאטן און ער איז דאן געפארן צום שטאט יאסי צום זיידן הרה"ק רבי שמואל הורוויץ זי"ע, און דארט האט ער מקבל געווען זיין תורה און יראת שמים פון הרה"ק רבי מנחם נחום משטעפינעשט זי"ע.  

אלס בחור האט ער געברויכט אוועק גיין פון רוסלאנד וועגן די רדיפות וואס די ממשלה האט געטון פאר אידן, איז ער געפארן קיין גאליציע.  

יענע צייט איז די נאמען פונעם הייליגען דברי חיים זי"ע געווארן מפורסם, האט ער געוואלט זעהן דעם גרויסן צדיק אבער האט נישט געוואלט אז דער צדיק זאל וויסן ווער ער איז כדי ער זאל אים נישט מכבד זיין.  

האט ער זיך אנגעטון פשוטע בגדים פון א סוחר און געקומען צום הייליגען דברי חיים זי"ע, ווען ער איז אנגעקומען האט אים די גבאי געפרעגט וואס ער וויל, האט ער געזאגט אז ער וויל געבן שלום פארן רבין, האט דער גבאי געפרעגט ווער ער איז, האט ער געזאגט א סוחר פון מדינת רוסלאנד.  

ווען ער איז אריינגעקומען צום דברי חיים זי"ע האט זיך דער צאנזער רב אויפגעשטעלט און אים געגעבן שלום און געזאגט "שלום עליכם יאמפעלער רבי" און דער דברי חיים האט זיך מיט אים איינגעשפארט פאר דריי שעה, דער עולם דארט האבן זיך געוואונדערט פארוואס דער דברי חיים האט זיך איינגעשפארט מיט אזא פשוטן סוחר פאר דריי שעה. 

ווען ער איז ארויס פונעם דברי חיים האט אים די רבי ארויס באגלייט מיט כבוד, און שטייענדיג אינדרויסן האט אים דער דברי חיים געפרעגט וואס איז דיין נאמען, האט ער געזאגט "אליעזר חיים" האט דער צאנזער רב פארמאכט די אויגן אויף א רגע און געפענט די אויגן און געזאגט אליעזר חיים איז גימטריא דוד בן ישי, און געזאגט בזה"ל "יש לכם ניצוץ דוד בן ישי".

ער האט חתונה געהאט מיט די טאכטער פון הרה"ק רבי פנחס אורטינבערג אב"ד לעחוויץ זי"ע, בן הרה"ק רבי אברהם דוב זי"ע, חתן הרה"ק רבי יעקב יוסף השני מאוסטראה זי"ע. 

הרה"ק סקאליע רבי זצ"ל פלעגט דערציילן אז די ערשטע וואך וואס הרה"ק מיאמפאלי איז געקומען האט ער געדאוונט אין ביהמ"ד הגדול אין מאנהעטן, אין מען האט איהם מכבד געווען צו געבן א דרשה לפני קריה"ת אין ער האט געהייסן זיין 12 יעריגע זוהן הרה"ק רבי ברוך פנחס זי"ע צי זאגן די דרשה, אין אלע זענען געווען ערשטוינט. 

אויך האט דער סקאליע רבי זצ"ל געזאגט אז עס נישט מעגליך צוריק צו קומען פין זיין ציון אהן א ישועה.

אויך האט ער דערציילט אז ביי די רדיפות אין אמעריקע אויפן גאון הגדול רבי יעקב יוסף זי"ע האט דער יאמפעלער רב זיך זייער שטארק אנגענומען פארן גאון רבי יעקב יוסף זי"ע.

איינמאל איז א איד געקומען און זיך באקלאגט אז די מצב אין פרנסה איז זייער שווער און געבעטן אז די רבי זאל אים געבן די נומער פאר די לאטערי און פון דעם וועט ער האבן שיין פרנסה, די רבי האט דעם איד דערפילט די בקשה און אים געגעבן די נומער, און לפלא האט דער איד טאקע געווינען די לאטארי.  

ווען די רעבעצין האט געהערט דערפון איז זי געווען גאר בייז אויפן רבין און געזאגט, די מצב פרנסה איז דאך אזוי שווער ביי אונז אין שטוב, און ווי לאנג איך האב געוויסט אז די קענסט נישט די נומער פאר די לאטארי האב איך נישט געהאט קיין טענות אויף דיר, אבער יעצט אז די ווייסט יא די נומער פארוואס גיבסטו דאס פאר א פרעמדן און נישט פאר אונז אז מען זאל האבן פרנסה. 

האט די רבי געפרעגט די רעבעצין אויפן פאסט טרעגער, וואס זאגסטו, דער פאסט טרעגער איז א עושר אדער א ארימאן, האט די רעבעצין געזאגט אוודאי איז ער א ארימאן, פרעגט די רבי פארוואס איז ער א ארימאן ער טראגט דאך יעדן טאג אלע מכתבים און קאנווערטן פאר די גאנצע טשאט וואס האט אין דעם גרויסע סכומים געלט איז ער דאך א עושר, האט די רעבעצין געזאגט די אלע געלטער אין די קאנווערטן זענען דאך נישט זיינס נאר ער איז א שליח דאס צו טראגן פאר אנדערע מענטשן, פירט אויס די רבי די זעלבע איז אויך דא, די מיינסט טאקע די געלט בלאנגט צו מיר איך בין נאר געווען דער שליח פונעם אייבערשטען צו ברענגען דאס געלט פאר דעם איד.

ער האט איבער געלאזט זיינע קינדער. 

הרה"ק רבי ברוך פנחס מסקאליע זי"ע, חתן הרה"ק רבי אשר ישעי' רובין מקאלבסוב זי"ע,

בתו, מרת ברכה פערל ע"ה, אשת הרה"ק רבי יחיאל מאיר זאלצשטיין זי"ע,

הרה"ק רבי ישראל זי"ע,

הרה"ק רבי שמואל אברהם אדמו"ר ממעזבוז בראנזוויל זי"ע, חתן הרה"ק רבי נפתלי צבי הורוויץ מקראקא זי"ע,

הרה"ק רבי יהודא ליב זי"ע,

בתו, הילד הדסה ע"ה, נפטר געווארן אלס קינד,

בתו, הילד מלכה חיה ע"ה, נפטר געווארן אלס קינד,

בתו הילד בינה ליבא ע"ה. 

נסתלק לגנזי מרומים ה' אייר תרע"ו.

ומנוחתו כבוד איז אין ביה"ח הר יהודה אין קווינס ניו יורק. 

זכותו הגדול יגן עלינו 

ועל כל ישראל אמן.

לערן א משנה און צינד אן ליכט לעילו נשמת: 

הרה"ק רבי אליעזר חיים ב"ר ברוך זי"ע 

די זכות פונעם צדיק 

וועט זיכער מיגן זיין.

הָאוֹמֵר לְמִי שֶׁאֵינוֹ נֶאֱמָן עַל הַמַּעַשְׂרוֹת, קַח לִי מִמִּי שֶׁהוּא נֶאֱמָן וּמִמִּי שֶׁהוּא מְעַשֵּׂר, אֵינוֹ נֶאֱמָן. מֵאִישׁ פְּלוֹנִי, הֲרֵי זֶה נֶאֱמָן. הָלַךְ לִקַּח מִמֶּנּוּ, וְאָמַר לוֹ לֹא מְצָאתִיו וְלָקַחְתִּי לְךָ מֵאַחֵר שֶׁהוּא נֶאֱמָן, אֵינוֹ נֶאֱמָן: