היינט צופרי איז די רב שליט"א אנגעקומען קיין אנטווערפן ווי ער איז אנטפאנגען געווארן אין לופטפעלד דורך די ראשי הקהילה.

אין די נאכמיטאג שעה'ן וועט דער רב שליט"א אנקומען צום שטוב פון הגה"צ ר' בעריש קאהן שליט"א ראה"כ דקהילת סאטמאר וואו עס וועט פארקומען די סיום כתיבת ספר תורה אויפ'ן ספר תורה וואס איז געשריבן געווארן דורך חברי הקהילה לע"נ רבותינו הקדושים מסאטמאר זצ"ל.

דערנאך וועט דער ספר תורה ארויסגיין לרחובה של עיר אויפ'ן וועג צו בית מדרש הגדול סאטמאר ווי די רב שליט"א וועט אריינפירן דעם ספר תורה בהיכל הביהמ"ד און אפרעכטן די ריקודי קודש.

שפעטער וועט פארקומען די גרויסארטיגע סעודה לגומרה של תורה אינאיינעם מיט'ן כינוס חסידי סאטמאר בראשות הגה"צ אב"ד סאטמאר וומסב"ג שליט"א וואס וועט משמיע זיין די צענטראלע דברות קודש ודברי הדרכה פאר כלל חסידי סאטמאר בעיר אנטווערפן בשליחות הקודש פון אביו  כ"ק אדמו"ר מסאטמאר שליט"א.

צומארגנס מאנטאג אינדערפרי וועט דער רב שליט"א אנקומען בהיכל הישיבה קטנה אין אנטווערפן וואו דער רב שליט"א וועט דאווענען תפילת שחרית און אפרעכטן א מסיבת לחיים און משמיע זיין דברי הדרכה פאר די תלמידי הישיבה.

שפעטער וועט פארקומען א מסיבת התחזקות פאר די לומדי הכולל - כולל ויואל משה ווי די רב שליט"א וועט משמיע זיין דברי הדרכה פאר די אברכי הכולל.

אין די נאכמיטאג שעה'ן וועט דער רב שליט"א דאווענען תפילת מנחה בהיכל בית מדרש הגדול אין שטאט,נאך תפילת מנחה וועט דער ציבור אריבערגיין זיך געזעגענען פונעם רב שליט"א,

דערנאך וועט זיך דער רב שליט"א ארויסלאזן אויפ'ן וועג צום בריסל לופטפעלד פון ווי די רב שליט"א וועט זיך הייבן 5:30 נאכמיטאג אנטווערפן'ע זייגער - 11:30 פארמיטאג אמעריקאנע זייגער אויפ'ן וועג צום לאנדאן היטראו עירפארט וואו דער רב שליט"א וועט מאכן א קורצע אפשטעל פון ארום צוויי שעה.

( אין בילד: די רב שליט"א ביים הכנסת ספר תורה בהשתתפות הגאון גאב"ד סאטמאר אנטווערפן שליט"א)