Motzei Shabbos Nachamu in Skulen
חסידי ומעריצי בית סקולען די בכל אתר ואתר אינאיינעם מיט אלופי אלפי ישראל גרייטן זיך מיט עקסטאז צו פייערן די צענטראלן מעמד סעודת הודאה רבתי מוצאי שבת נחמו יום הצלת צדיקי בית סקולען זי"ע בראשות ממשיכי דרכם בקודש כ"ק מרנן האחים האדמורי"ם מסקולען שליט"א פון וויליאמסבורג און לעיקוואד און וועט געפראוועט ווערן היי יאר בשבת אחים גם יחד אין די ריז'ן 8,000 פיסיגע עטרת ווערטהיימער זאל פון המספיק ריזארט אין די הארץ פון די קעטסקילס בערג
דערביי ברענגט דאס ארויף אין זכרון די לעכטיגע שבתים און מוצאי שבת נחמו ווען אביהם כ"ק אדמו"ר בעל מאור ישראל מסקולען זי"ע האט געפראוועט די סעודת הודאה אין די קעטסקילס בערג אויף א גרויס'ן פארנעם זייענדיג אויף אפרי אין די קאנטרי - און אצינד וועלן די קינדער האדמורי"ם פון וויליאמסבורג און לעיקוואד פראווענען די צענטראלן מעמד אויף א ברידערליכע פארנעם מתוך רוב שמחה בהשתתפות אלופי אלפי ישראל וועלכע זענען אין די קאנטרי אין די זוממער וואכן
די עסקנים פון ביידע קהילות וויליאמסבורג און לעיקוואד ארבעט'ן האנט ביי האנט רונדע די זייגער אהערצושטעלן די געגאנטישע ביהמ"ד אין די המספיק קעמפ מיט די מאקסימום זיץ פלעצער און די טויזענטער שטיי פלעצער אויפ'ן הויך שטאקיגע פארענטשעס פון אלע דריי זייטן מיט א הויכע בימת הכבוד כדי אז די אלפי משתתפים זאלן קענען מיטהאלטן די גאנצע מעמד אויפ'ן בעסטן פארנעם
באזונדער ארבעט'ן די עסקנים אהערצושטעלן א גאר סיפיסטאקירטע סיסטעם פון טראנספארטאציע וואס זאל פירן די ציבור האלפים פון די גאנצע קעטסקילס און קרית יואל אומגעגנט צו קענען ברענגען די ציבור אויף א גרינגע פארנעם מיט א ספעציעלן סדר…
גלייכצייטאג גרייטן זיך ביידע חצרות אפצורעכטן געהויבענע שבתים און פראווענען אויף א גרעסערער פארנעם איש על מחנהו
חסידי סקולען פון וויליאמסבורג גרייטן זיך מיטצוהאלטן א דערהויבענעם שבת בצל כ"ק אדמו"ר מסקולען שליט"א פון וויליאמסבורג וואס וועט אי"ה אפרעכטן די גרויסע שבת אין קרית ייטב לב אין בלומינגבערג און די תפילת און טישן וועלן פארקומען אין די זאל פון עטרת פעסיל לאה ווי עס קומען צו פארן א ציבור מיטהאלטן די שבת
חסידי סקולען פון לעיקוואד גרייטן זיך מיטצוהאלטן די דערהויבענעם שבת אויף א גרויס'ן פארנעם בצל הקודש פון כ"ק אדמו"ר מסקולען שליט"א פון לעיקוואד אין די קעטסקילס בערג ווי די רבי וויילט אויף אפרו און די רבי וועט אפרעכטן די תפילת און טישן אויף א גרויס'ן פארנעם אין ביהמ"ד אין מאנטיסעלא מיט א גרויס'ן ציבור חסידים חסידי סקולען וואס קומען צו פארן און ווילן נישט פארפאסן די דערהויבענעם שבת בצל הקודש
Gallery