פינאנצן אפגעהאקט: א מדינת ישראל לופט אטאקע האט אומגעברענגט דעם הויפט חאמאס פינאנץ פירער אין עזה
גאלערי
ווידעאס
בס"ד
דראמאטישע ווידעא: מדינת ישראל קרעפטן ברענגען אום הויכראנגיקן כאמאס פינאנץ-פירער אין א געצילטע אטאקע אין כאן יוניס
דראמאטישע בילדער און ווידעאוס וואס צירקולירן אויפן אינטערנעט צייגן די נאכווייען פון א מדינת ישראל לופט-אטאקע אין מערב כאן יוניס. אויפן סצענע זעט מען א געצילטע אויטא אין פלאמען, מיט געדיכטע שווארצע רויך וואס הייבט זיך העכער די גאסן, בשעת לאקאלע איינוואוינער לויפן ארום די חורבות פרובירנדיג צו ראטעווען וואס מען קען נאר פונעם אש.
לויט ווי די מדינת ישראל מיליטער גיט איבער, איז דער ציל פונעם אטאקע געווען 'מוחמד אבו עלוואן', א הויכראנגיקער פינאנץ-באאמטער אין די כאמאס טעראר-ארגאניזאציע. מדינת ישראל באשולדיגט אים אין ארויסהעלפן איבערצובויען די טעראר אינפראסטרוקטור פונעם גרופע זינט די פייער-אפמאך איז אריין אין קראפט אין אקטאבער 2025.
פריים מיניסטער בנימין נתניהו און פארטיידיגונגס מיניסטער ישראל כ"ץ האבן באשטעטיגט די אפעראציע אין א געמיינזאמע סטעיטמענט. זיי האבן קלארגעשטעלט אז דאס איז א טייל פון א ברייטערע קאמפיין אפצוהאקן די פינאנציעלע קוואלן פון כאמאס איידער זיי קענען זיך צוריק ארגאניזירן.
פאלעסטינער מעדיצינישע קוועלער האבן באריכטעט אז צוויי פערזאנען זענען אומגעקומען אין די אטאקע - אבו עלוואן און נאך א מאן אידענטיפיצירט אלס אסאמא אבו כאטער. ווי אויך זענען צוויי אנדערע פארוואונדעט געווארן. כאמאס האט דערווייל נאכנישט ארויסגעגעבן קיין אפיציעלע רעאקציע איבער די אטאקע אדער איבער אבו עלוואן'ס ראלע אין די ארגאניזאציע.
אנגעצויגענע פייער-אפמאך:
די אטאקע קומט אינמיטן אן אנגעצויגענע 'סיספייער' (פייער-אפמאך), וואו ביידע זייטן באשולדיגן איינער דעם צווייטן אין עס ברעכן. מדינת ישראל האלט זיך ביי דאס אירע אז זי מוז נעמען פאראויסדיגע שריט צו פארמיידן דאס איבערבויען פון טעראר נעצן, בשעת פאלעסטינער באאמטע ווייזן אן אויף די הויכע צאל טויטע טראץ דעם שוואכן אפמאך.
לויט די באריכטן זענען שוין איבער 1,400 פאלעסטינער אומגעקומען אין עזה זינט די אמעריקאנער-געשטיצטע פייער-אפמאך איז אריין אין קראפט, א פאקט וואס ברענגט פרישע פראגע צייכנס איבער ווי לאנג דער אפמאך וועט אנהאלטן.
מדינת ישראל פירער האבן אבער קלארגעמאכט אז דאס איז נישט קיין איינמאליגע שריט, און האבן צוגעזאגט אז די אפעראציעס קעגן די כאמאס פירערשאפט און זייערע פינאנציעלע נעצן וועלן פארזעצן אן קיין אפשטעל.
דראמאטישע ווידעא: מדינת ישראל קרעפטן ברענגען אום הויכראנגיקן כאמאס פינאנץ-פירער אין א געצילטע אטאקע אין כאן יוניס
דראמאטישע בילדער און ווידעאוס וואס צירקולירן אויפן אינטערנעט צייגן די נאכווייען פון א מדינת ישראל לופט-אטאקע אין מערב כאן יוניס. אויפן סצענע זעט מען א געצילטע אויטא אין פלאמען, מיט געדיכטע שווארצע רויך וואס הייבט זיך העכער די גאסן, בשעת לאקאלע איינוואוינער לויפן ארום די חורבות פרובירנדיג צו ראטעווען וואס מען קען נאר פונעם אש.
לויט ווי די מדינת ישראל מיליטער גיט איבער, איז דער ציל פונעם אטאקע געווען 'מוחמד אבו עלוואן', א הויכראנגיקער פינאנץ-באאמטער אין די כאמאס טעראר-ארגאניזאציע. מדינת ישראל באשולדיגט אים אין ארויסהעלפן איבערצובויען די טעראר אינפראסטרוקטור פונעם גרופע זינט די פייער-אפמאך איז אריין אין קראפט אין אקטאבער 2025.
פריים מיניסטער בנימין נתניהו און פארטיידיגונגס מיניסטער ישראל כ"ץ האבן באשטעטיגט די אפעראציע אין א געמיינזאמע סטעיטמענט. זיי האבן קלארגעשטעלט אז דאס איז א טייל פון א ברייטערע קאמפיין אפצוהאקן די פינאנציעלע קוואלן פון כאמאס איידער זיי קענען זיך צוריק ארגאניזירן.
פאלעסטינער מעדיצינישע קוועלער האבן באריכטעט אז צוויי פערזאנען זענען אומגעקומען אין די אטאקע - אבו עלוואן און נאך א מאן אידענטיפיצירט אלס אסאמא אבו כאטער. ווי אויך זענען צוויי אנדערע פארוואונדעט געווארן. כאמאס האט דערווייל נאכנישט ארויסגעגעבן קיין אפיציעלע רעאקציע איבער די אטאקע אדער איבער אבו עלוואן'ס ראלע אין די ארגאניזאציע.
אנגעצויגענע פייער-אפמאך:
די אטאקע קומט אינמיטן אן אנגעצויגענע 'סיספייער' (פייער-אפמאך), וואו ביידע זייטן באשולדיגן איינער דעם צווייטן אין עס ברעכן. מדינת ישראל האלט זיך ביי דאס אירע אז זי מוז נעמען פאראויסדיגע שריט צו פארמיידן דאס איבערבויען פון טעראר נעצן, בשעת פאלעסטינער באאמטע ווייזן אן אויף די הויכע צאל טויטע טראץ דעם שוואכן אפמאך.
לויט די באריכטן זענען שוין איבער 1,400 פאלעסטינער אומגעקומען אין עזה זינט די אמעריקאנער-געשטיצטע פייער-אפמאך איז אריין אין קראפט, א פאקט וואס ברענגט פרישע פראגע צייכנס איבער ווי לאנג דער אפמאך וועט אנהאלטן.
מדינת ישראל פירער האבן אבער קלארגעמאכט אז דאס איז נישט קיין איינמאליגע שריט, און האבן צוגעזאגט אז די אפעראציעס קעגן די כאמאס פירערשאפט און זייערע פינאנציעלע נעצן וועלן פארזעצן אן קיין אפשטעל.