מען דארף נישט קיין פילאט: סקיידיאו שטעלט פאר א נייע בליץ-שנעלע דראון פלאטע
גאלערי
ווידעאס
בס"ד
אמעריקאנער דראון פירמע 'סקיידיאו' שטעלט פאר א נייע פארגעשריטענע דראון וואס קען פליען ווייטער און שנעלער ווי קיינמאל בעפאר
די אמעריקאנער דראון פירמע 'סקיידיאו' (Skydio) האט אנטפלעקט איר נייעסטע ערפינדונג, די "F10 לייטראנער", א דראון מיט פליגלען וואס איז ספעציעל געבויט געווארן פאר שנעלקייט און ווייטקייט, ענדערש ווי די געווענליכע דראונס וואס זענען געמאכט צו שוועבן אויף איין פלאץ.
די נייע דראון פארמאגט אן אינטערעסאנטע אומסימעטרישע דיזיין, עס איז ברייט קרוב צו 1.5 מעטער פון איין פליגל צום צווייטן, און קען פליען מיט א שנעלקייט פון ביז 160 קילאמעטער א שעה. לויט ווי די פירמע גיט איבער, קען עס פליען אזוי ווייט ווי 48 קילאמעטער פונעם פלאץ פון וואו מען לאזט עס ארויס, און קען בלייבן אין די לופטן פאר ארום צוויי שעה אויף איין טשארדזש. די נומערן זענען פיל מער ווי די סטאנדארטע דראונס וואס ווערן היינט באנוצט דורך פאליציי און פאבליק סעיפטי אגענטורן. דאס צייגט קלאר אז סקיידיאו צילט צו פראדוצירן דראונס פאר לענגערע און שנעלערע מיסיעס, און נישט נאר פאר נאנטע שטרעקעס.
א נעצווערק פון דראונס שטענדיג גרייט צום באנוץ
אינאיינעם מיט די נייע דראון, האט די פירמע אויך פארגעשטעלט די "מעגא-דאק" (MegaDock). דאס איז אן אטאמאטישע סטאנציע וואס קען האלטן, ארויסשיקן און צוריקנעמען ביז פינף אזעלכע דראונס אויף איין מאל, בשעת עס האלט זייערע בעטעריס פול און גרייט צו פליען יעדע מינוט.
דער געדאנק אונטער דעם איז צו האבן א נעצווערק פון דראונס וואס זענען שטענדיג גרייט צום באנוץ. מען וועט זיי קענען פאראויס-פלאצירן איבער א שטאט, ביי וויכטיגע אינפראסטרוקטור, אדער איבער גרויסע פעלדער, און זיי וועלן קענען ארויספליען אינעם מאמענט וואס מען דארף זיי, אן דעם וואס א מענטש זאל דארפן שטיין דארט זיי ארויסצולאזן.
סקיידיאו זאגט אז די נייע סיסטעם וועט זיין געאייגנט פאר פראגראמען וואו דראונס דינען אלס 'פוירסט רעספאנדערס' ביי עמערדזשענסיס, ווי אויך פאר אינפראסטרוקטור אינספעקציעס און שפיאנאזש אויף ווייטע שטרעקעס. די פירמע פלאנט עס ארויסצושטעלן צום פארקויף אין יאר 2027.
אויב די טעכנאלאגיע וועט טאקע ארבעטן ווי צוגעזאגט, קען עס אינגאנצן טוישן דעם אופן וויאזוי אגענטורן נוצן דראונס. אנשטאט ארויסצושיקן איין דראון ווען מען דארף עס, וועלן זיי קענען אנהאלטן א גאנצע פלאטע פון דראונס וואס זענען שטענדיג אקטיוו און גרייט צו יעדע צייט.
אמעריקאנער דראון פירמע 'סקיידיאו' שטעלט פאר א נייע פארגעשריטענע דראון וואס קען פליען ווייטער און שנעלער ווי קיינמאל בעפאר
די אמעריקאנער דראון פירמע 'סקיידיאו' (Skydio) האט אנטפלעקט איר נייעסטע ערפינדונג, די "F10 לייטראנער", א דראון מיט פליגלען וואס איז ספעציעל געבויט געווארן פאר שנעלקייט און ווייטקייט, ענדערש ווי די געווענליכע דראונס וואס זענען געמאכט צו שוועבן אויף איין פלאץ.
די נייע דראון פארמאגט אן אינטערעסאנטע אומסימעטרישע דיזיין, עס איז ברייט קרוב צו 1.5 מעטער פון איין פליגל צום צווייטן, און קען פליען מיט א שנעלקייט פון ביז 160 קילאמעטער א שעה. לויט ווי די פירמע גיט איבער, קען עס פליען אזוי ווייט ווי 48 קילאמעטער פונעם פלאץ פון וואו מען לאזט עס ארויס, און קען בלייבן אין די לופטן פאר ארום צוויי שעה אויף איין טשארדזש. די נומערן זענען פיל מער ווי די סטאנדארטע דראונס וואס ווערן היינט באנוצט דורך פאליציי און פאבליק סעיפטי אגענטורן. דאס צייגט קלאר אז סקיידיאו צילט צו פראדוצירן דראונס פאר לענגערע און שנעלערע מיסיעס, און נישט נאר פאר נאנטע שטרעקעס.
א נעצווערק פון דראונס שטענדיג גרייט צום באנוץ
אינאיינעם מיט די נייע דראון, האט די פירמע אויך פארגעשטעלט די "מעגא-דאק" (MegaDock). דאס איז אן אטאמאטישע סטאנציע וואס קען האלטן, ארויסשיקן און צוריקנעמען ביז פינף אזעלכע דראונס אויף איין מאל, בשעת עס האלט זייערע בעטעריס פול און גרייט צו פליען יעדע מינוט.
דער געדאנק אונטער דעם איז צו האבן א נעצווערק פון דראונס וואס זענען שטענדיג גרייט צום באנוץ. מען וועט זיי קענען פאראויס-פלאצירן איבער א שטאט, ביי וויכטיגע אינפראסטרוקטור, אדער איבער גרויסע פעלדער, און זיי וועלן קענען ארויספליען אינעם מאמענט וואס מען דארף זיי, אן דעם וואס א מענטש זאל דארפן שטיין דארט זיי ארויסצולאזן.
סקיידיאו זאגט אז די נייע סיסטעם וועט זיין געאייגנט פאר פראגראמען וואו דראונס דינען אלס 'פוירסט רעספאנדערס' ביי עמערדזשענסיס, ווי אויך פאר אינפראסטרוקטור אינספעקציעס און שפיאנאזש אויף ווייטע שטרעקעס. די פירמע פלאנט עס ארויסצושטעלן צום פארקויף אין יאר 2027.
אויב די טעכנאלאגיע וועט טאקע ארבעטן ווי צוגעזאגט, קען עס אינגאנצן טוישן דעם אופן וויאזוי אגענטורן נוצן דראונס. אנשטאט ארויסצושיקן איין דראון ווען מען דארף עס, וועלן זיי קענען אנהאלטן א גאנצע פלאטע פון דראונס וואס זענען שטענדיג אקטיוו און גרייט צו יעדע צייט.