דריי אמעריקאנע קעריערס סטאנציאנירט: פענטאגאן פארברייטערט ים-פלאט אנוועזנהייט בשעת איראן אטאקירט באכריין און קאוועיט
גאלערי
ווידעאס
שפאנונגען אין מיטל מזרח: אמעריקע פארזאמלט דריי עירקרעפט קעריערס אינעם ראיאן צו באקעמפן איראנער אגרעסיעס
די פאראייניגטע שטאטן האט צוזאמגעשטעלט א מאסיווע פלאטע פון דריי 'עירקרעפט קעריער' סטרייק גרופעס אינעם מיטל מזרח ראיאן אונטער די אמעריקאנער סענטקאם קאמאנד, וואס צייכנט אפ א דראסטישע פארמערונג אין די אמעריקאנער מיליטערישע אנוועזנהייט אין ליכט פון די שטיגנדע שפאנונגען מיט איראן. די "יו-עס-עס טעאדאר רוזעוועלט" קריגס-שיף איז אנגעקומען אינעם מיטל מזרח דעם 15'טן נאוועמבער, און האט זיך אנגעשלאסן צו די "יו-עס-עס דזשארדזש עיטש. דאבליו. בוש" און די "יו-עס-עס דזשארדזש וואשינגטאן", וועלכע האבן שוין אפערירט אינעם ראיאן.
די פרישע קראפטן ברענגען מיט זיך נאך פילע קאמפס-פליגער, מאטראסן און מיליטערישע מעגליכקייטן צו א זאנע וואו די אמעריקאנער קרעפטן פירן אדורך א ים-בלאקאדע אויף איראנער שיפן. די מיליטערישע אויפבוי קומט אין א צייט וואס איראן האט פארשטערקערט אירע אטאקעס איבערן גאלף, אריינגערעכנט דראון און מיסיל אטאקעס וואס האבן געצילט באכריין און קואוועיט. באכריין האט באריכטעט אז זיי האבן סוקסעספול אראפגעשאסן איראנער לופט-אטאקעס, בשעת קואוועיט האט געמאלדן אז אירע לופט-פארטיידיגונג סיסטעמען האבן אינטערסעפטעד דראונס וואס זענען געווען געצילט אויף די 'אלי אל סאלעם' עיר בעיס. די אנטוויקלונגען האבן געהויבן זארגן איבער א ברייטערע קאנפראנטאציע אינעם ראיאן, בעת וואשינגטאן האלט אן איר שטארקע מיליטערישע דרוק אויף טעהראן און האלט אפן אלע אפציעס.
די אנוועזנהייט פון די דריי ריזיגע קריגס-שיפן קומט אויך אין די זעלבע צייט וואס פרעזידענט דאנאלד טראמפ פירט דורך הויכראנגיקע דיפלאמאטישע געשפרעכן אין כינע מיטן כינעזישן פרעזידענט שי דזשינפינג און דעם רוסישן פרעזידענט וולאדימיר פוטין. כאטש וואס די ים-פלאטע פארשטארקט אמעריקע'ס מיליטערישע פאזיציע, איז דער ברייטערער קאנפליקט נאך ווייט פון פאראיבער, ווען אטאקעס אויף קאמערציאלע שיפן און שטערונגען ארום דעם הארמוז אדורכגאס זעצן פאר צו סטראשען די זיכערהייט פונעם ראיאן.
אין אנדערע נייעס זענען אויל פרייזן געפאלן דעם 18'טן נאוועמבער, ווען די 'ברענט' און אמעריקאנער רויע אויל מארקעטס האבן געזען א ירידה אין ליכט פון א שטיגנדע אמעריקאנער סופליי און ערווארטונגען אז די גלאבאלע סופליי וועט זיך ערהוילן. אבער אנאליסטן ווארענען אז די אנגייענדע קאמפן און סטראשונגען קעגן קאמערציאלע שיפן האלטן צוריק די פרייזן פון פאלן נאך מער, און עס איז שווער אנצולייגן די מארקעט טוישונגען בלויז אויף די אמעריקאנער בלאקאדע.
דער אנקום פונעם טעאדאר רוזעוועלט שטעלט מיט זיך פאר א מאסיווע פארשטארקונג פון די אמעריקאנער ים-קרעפטן, אבער עס קומט אויך מיט גרויסע ריזיקעס בעת איראן גייט אן מיט אירע פראוואקאציעס קעגן אמעריקאנער קרעפטן און לאקאלע אליאירטע. צי די פארברייטערטע אנוועזנהייט וועט אפשרעקן פרישע אטאקעס אדער פירן צו א פרישע עסקאלאציע, בלייבט א קריטישע פראגע וואס פילע אינעם ראיאן פרעגן זיך.