ברעיקינג: א געריכט האט פארארדנט אז טראמפ מוז אפגעבן א דעפאזישן ביז דעצעמבער 11, אדער קען זיין 10 ביליאן דאלארדיגע בי בי סי קלאגע ווערן דיסמיסט
גאלערי
בס"ד
פעדעראלער ריכטער פארארדנט פרעזידענט טראמפ זיך צו שטעלן פאר א דעפאזישן אין זיין 10 ביליאן דאלאר קלאגע קעגן די בי-בי-סי
א פעדעראלער ריכטער האט פארארדנט פרעזידענט דאנאלד טראמפ זיך צו שטעלן פאר א דעפאזישן ביז דעצעמבער 11, אין זיין 10 ביליאן דאלארדיגע דיפעמעישאן לאוסוט קעגן די בריטישע בי-בי-סי (BBC) נייעס אגענטור. דער ריכטער האט געווארנט אז אויב ער קומט נישט נאך דעם באפעל, קען דאס פירן צו שטרענגע סאנקציעס, אריינגערעכנט דאס ארויסווארפן די גאנצע קעיס.
דער אורטייל פונעם פעדעראלן ריכטער, ענדזשאליק לעט, קומט נאכדעם וואס די לויערס פון די בי-בי-סי האבן זיך אפגעראטן אז טראמפ האט געקענסלט א פריערדיגע דעפאזישן וואס איז געווען געסקעדזשולד פאר אקטאבער 16, אנגעבנדיג דעמאלטס אז ער איז פארנומען מיט א "וויכטיגע נאציאנאלע אנגעלעגנהייט". די נייע דעדליין פאלט אויס קורץ פאר די דעצעמבער 18 "דיסקאווערי" דעדליין, סיידן די געריכט וועט באשליסן עס צו פארלענגערן.
טראמפ האט אריינגעגעבן דעם לאוסוט פאראיאר דעצעמבער, וואו ער באשולדיגט די בריטישע אגענטור אין אים פארלוימדן דורך א דאקומענטארע פילם וואס האט פארפירעריש צוזאמענגעשטעלט קליפס פון זיין רעדע אום יאנואר דעם 6'טן 2021. די קעיס דרייט זיך ארום א פראגראם מיטן נאמען "טראמפ: א צווייטע טשענס?" וואס איז געווארן געוויזן קורץ פאר די 2024 וואלן.
לויט טראמפ'ס לעגאלע טיעם, האט די בי-בי-סי גענומען צוויי באזונדערע שטיקלעך פון זיין רעדע וואס זענען געזאגט געווארן מיט א שעה אפגערוקט איינס פונעם צווייטן, און עס צוזאמענגעקלעבט. דאס האט געשאפן א פאלשע בילד כאילו ער הייסט זיינע שטיצער גיין קעמפן ביים קעפיטאל, אינדערצייט וואס זיי האבן ארויסגעשניטן די טיילן וואו ער בעט מען זאל פראטעסטירן פרידליך.
די בי-בי-סי האט זיך שוין אנטשולדיגט אויף דעם טעות אינעם עדיטינג וואס האט געגעבן דעם איינדרוק אז ער האט אנגעפירט די ראיאטן, אבער זיי לייקענען נאך אלץ אז עס איז געווען א דיפעמעישאן. צוויי הויכראנגיקע עקזעקיוטיוון ביי די בי-בי-סי האבן רעזיגנירט אין רעזולטאט פון דעם סקאנדאל.
ארגינעל האט טראמפ געזוכט שאדן-ערזאץ סיי פאר זיין רעפוטאציע און סיי פאר זיינע ביזנעסער, אבער שפעטער האט ער עס שמאלער געמאכט צו פאקוסירן בלויז אויף די שאדן צו זיין רעפוטאציע. די בי-בי-סי לויערס האבן שוין חדשים לאנג געדרוקט דעם געריכט צו פארזיכערן אז דער פרעזידענט גיט אפ זיין עדות'שאפט, אנווייזנדיג אז ער איז די הויפט פיגור אינעם לאוסוט וואס ער אליינס האט אריינגעגעבן.
לעגאלע עקספערטן זאגן אז דער פרישער באפעל פונעם ריכטער צייגט אז מען ערווארט פון יעדן זיך צו האלטן שטרענג צו די געריכטליכע פראצעדורן, אפילו אן אמטירנדער פרעזידענט. אויב טראמפ וועט זיך נישט שטעלן צום באשטימטן דאטום פון דעצעמבער 11 אן קיין רשות פונעם געריכט, קען עס אריינלייגן זיין גאנצע ביליאנען-דאלארדיגע קעיס אין א ערנסטע סכנה.
פעדעראלער ריכטער פארארדנט פרעזידענט טראמפ זיך צו שטעלן פאר א דעפאזישן אין זיין 10 ביליאן דאלאר קלאגע קעגן די בי-בי-סי
א פעדעראלער ריכטער האט פארארדנט פרעזידענט דאנאלד טראמפ זיך צו שטעלן פאר א דעפאזישן ביז דעצעמבער 11, אין זיין 10 ביליאן דאלארדיגע דיפעמעישאן לאוסוט קעגן די בריטישע בי-בי-סי (BBC) נייעס אגענטור. דער ריכטער האט געווארנט אז אויב ער קומט נישט נאך דעם באפעל, קען דאס פירן צו שטרענגע סאנקציעס, אריינגערעכנט דאס ארויסווארפן די גאנצע קעיס.
דער אורטייל פונעם פעדעראלן ריכטער, ענדזשאליק לעט, קומט נאכדעם וואס די לויערס פון די בי-בי-סי האבן זיך אפגעראטן אז טראמפ האט געקענסלט א פריערדיגע דעפאזישן וואס איז געווען געסקעדזשולד פאר אקטאבער 16, אנגעבנדיג דעמאלטס אז ער איז פארנומען מיט א "וויכטיגע נאציאנאלע אנגעלעגנהייט". די נייע דעדליין פאלט אויס קורץ פאר די דעצעמבער 18 "דיסקאווערי" דעדליין, סיידן די געריכט וועט באשליסן עס צו פארלענגערן.
טראמפ האט אריינגעגעבן דעם לאוסוט פאראיאר דעצעמבער, וואו ער באשולדיגט די בריטישע אגענטור אין אים פארלוימדן דורך א דאקומענטארע פילם וואס האט פארפירעריש צוזאמענגעשטעלט קליפס פון זיין רעדע אום יאנואר דעם 6'טן 2021. די קעיס דרייט זיך ארום א פראגראם מיטן נאמען "טראמפ: א צווייטע טשענס?" וואס איז געווארן געוויזן קורץ פאר די 2024 וואלן.
לויט טראמפ'ס לעגאלע טיעם, האט די בי-בי-סי גענומען צוויי באזונדערע שטיקלעך פון זיין רעדע וואס זענען געזאגט געווארן מיט א שעה אפגערוקט איינס פונעם צווייטן, און עס צוזאמענגעקלעבט. דאס האט געשאפן א פאלשע בילד כאילו ער הייסט זיינע שטיצער גיין קעמפן ביים קעפיטאל, אינדערצייט וואס זיי האבן ארויסגעשניטן די טיילן וואו ער בעט מען זאל פראטעסטירן פרידליך.
די בי-בי-סי האט זיך שוין אנטשולדיגט אויף דעם טעות אינעם עדיטינג וואס האט געגעבן דעם איינדרוק אז ער האט אנגעפירט די ראיאטן, אבער זיי לייקענען נאך אלץ אז עס איז געווען א דיפעמעישאן. צוויי הויכראנגיקע עקזעקיוטיוון ביי די בי-בי-סי האבן רעזיגנירט אין רעזולטאט פון דעם סקאנדאל.
ארגינעל האט טראמפ געזוכט שאדן-ערזאץ סיי פאר זיין רעפוטאציע און סיי פאר זיינע ביזנעסער, אבער שפעטער האט ער עס שמאלער געמאכט צו פאקוסירן בלויז אויף די שאדן צו זיין רעפוטאציע. די בי-בי-סי לויערס האבן שוין חדשים לאנג געדרוקט דעם געריכט צו פארזיכערן אז דער פרעזידענט גיט אפ זיין עדות'שאפט, אנווייזנדיג אז ער איז די הויפט פיגור אינעם לאוסוט וואס ער אליינס האט אריינגעגעבן.
לעגאלע עקספערטן זאגן אז דער פרישער באפעל פונעם ריכטער צייגט אז מען ערווארט פון יעדן זיך צו האלטן שטרענג צו די געריכטליכע פראצעדורן, אפילו אן אמטירנדער פרעזידענט. אויב טראמפ וועט זיך נישט שטעלן צום באשטימטן דאטום פון דעצעמבער 11 אן קיין רשות פונעם געריכט, קען עס אריינלייגן זיין גאנצע ביליאנען-דאלארדיגע קעיס אין א ערנסטע סכנה.