פרוי געפונען ערמארדעט אין פתח תקוה; איר מאן געפונען טויט, פאליציי פארשט אויס
גאלערי
ווידעאס
שוידערליכער אינצידענט אין פתח תקוה: פאליציי פארשן א פארדאכט פון א מארד-זעלבסטמארד נאך וואס א פארפאלק איז געפונען געווארן טויט
די ארטיגע פאליציי אין מדינת ישראל האבן געעפנט אן אויספארשונג איבער א פארדאכט פון א מארד-זעלבסטמארד אין די שטאט פתח תקוה, נאך וואס א 43-יעריגע פרוי איז זונטאג איבערנאכט געפונען געווארן טויט אין איר היים.
קורץ דערויף איז דער מאן פון די פרוי אויך געפונען געווארן טויט נישט ווייט פון דארט. די אויספארשער קוקן אריין אין די פארדאכטן אז דער מאן האט אומגעברענגט זיין פרוי בעפאר ער האט זיך אליינס גענומען דאס לעבן.
לויט באריכטן אין די ארטיגע פרעסע, זענען די פיר קינדער פון דעם פארפאלק געווען אינעווייניג אין שטוב בעת דעם שרעקליכן אינצידענט.
פאליציי און עמערדזשענסי רעספאנדערס זענען אראפגערופן געווארן צום ארט, און די אויטאריטעטן האבן אנגעהויבן אן אויספארשונג ארום די אומשטענדן פון די צוויי טויט פעלער. די פונקטליכע סדר פון די געשעענישן און וועלכע וואפן עס איז גענוצט געווארן, איז דערווייל נאכנישט אפיציעל באשטעטיגט געווארן.