איראנע מידיע צייגט ארויס זייער מיליטערישע דראון פאבריק
גאלערי
ווידעאס
בס"ד
איראן פובליצירט צום ערשטן מאל בילדער און ווידעאוס פון איר געהיימע דראון פראדוקציע פאבריק
די איראנער רעגירונג טעלעוויזיע סטאנציע האט ארויסגעגעבן א ווידעאו וואס זיי באצייכענען אלס די ערשטע בילדער פון אן איראנער מיליטערישע דראון פראדוקציע פאבריק.
אין די ווידעאו קען מען זען ריזיגע זאלן אנגעפילט מיט רייעס פון גרויע דראון טיילן און פליגלען, ווי אויך פארטיגע דראונס אויסגעשטעלט אויף פאליצעס. די רעקארדירונג אנטהאלט אויך סעטעלייט בילדער פונעם אינדוסטריעלן קאמפלעקס און קליפס ווי דראונס פליען העכער מדבר געגנטער. איראנער מיליטערישע אפיצירן אין יוניפארם ווערן געזען געבן אינטערוויוס אויפן ארט, רעדנדיג איבער די אפעראציעס וואס קומען דארט פאר.
די פובליקאציע קומט אין א צייט פון אנגעצויגענע שפאנונגען אינעם מיטל-מזרח ראיאן, און די מעסעדזש דערפון איז קלאר. די פראדוקציע ליניעס און די דראמאטישע קאמענטארן אינעם ווידעאו לייגן א שטארקן דגוש אז איראן קען אליינס בויען אירע אייגענע מיליטערישע דראונס און איז נישט אנגעוויזן אויף קיינעם.
אבער, וויבאלד די ווידעאו קומט פון די איראנער רעגירונג טעלעוויזיע, זענען די פאקטן איבער די גרויסקייט פונעם פאבריק און אירע מעגליכקייטן נישט געווארן זעלבסטשטענדיג באשטעטיגט. דאס לאזט איבער אפענע פראגעס איבער וואו פונקטליך דער קאמפלעקס געפינט זיך, וויפיל דראונס זיי קענען באמת פראדוצירן, און וואס פונקטליך איראן וויל דא סיגנאליזירן פאר אירע פיינט און פאר איר אייגענע פאלק.