מעכטיגע עקאנאמיע: העסעט לויבט אויס די 5% GDP וואוקס און רעקארד נידריגע ארבעטסלאזע קלעימס
גאלערי
ווידעאס
ווייסע הויז עקאנאמישער פירער מאלט א ראזעווע בילד פונעם אמעריקאנער עקאנאמיע; קריטיקירער רייסן אראפ זיינע רייד
דער דירעקטאר פונעם נאציאנאלן עקאנאמישן קאונסיל, קעווין האסעט, פרובירט צו מאלן א גאר פאזיטיווע און ראזעווע בילד איבער דעם אמעריקאנער עקאנאמיע, האלטנדיג אין איין איבערחזר'ן אז אמעריקאנער בירגער ספענדן געלט אויף א שטארקן פארנעם וואס מען האט שוין נישט געזען פאר יארן לאנג.
לויט האסעט, איז די קאנסומער פארברויך געשטיגן דאס יאר צו די העכסטע שטאפלען אין די לעצטע יארן, וואס דאס איז לויט אים א קלארע באווייז אז די עקאנאמיע בליהט אונטער די יעצטיגע אדמיניסטראציע. ווי אויך טענה'ט ער אז די עקאנאמישע וואוקס (דזשי-די-פי) פארן דריטן קווארטאל האלט ביי א געשאצטע 4 ביז 5 פראצענט, א ציפער וואס ער האט שוין איבערגעחזר'ט עטליכע מאל ביי פארשידענע טעלעוויזיע אינטערוויוס אין די לעצטע וואכן.
צו פארענדיגן זיין פונקט, האט האסעט אנגעוויזן אויף די ארבעטסלאזע ראטעס (אנעמפלוימענט קלעימס), זאגנדיג אז די צאל מענטשן וואס בעטן ארבעטסלאזע בענעפיטן האלט ביי די נידריגסטע שטאפלען זינט די צווייטע וועלט קריג, ווען די אמעריקאנער ארבעטסקראפט איז געווען פיל קלענער ווי היינט.
האסעט נוצט די דריי סטאטיסטיקס — די שטארקע קאנסומער ספענדינג, די הויכע דזשי-די-פי, און די היסטאריש נידריגע אנעמפלוימענט ראטעס — אלס א שוץ-וואנט צו פארטיידיגן די אדמיניסטראציע קעגן די שווערע קריטיק איבער די הויכע אינפלאציע און די טייערע פרייזן וואס פלאגן דעם פאלק.
אבער עקאנאמיסטן און פאקטן-זוכער רייסן אראפ זיינע רייד און קויפן נישט אפ די לאקשן. זיי ווייזן אן אז זיין דזשי-די-פי ציפער איז בלויז א שאצונג און נישט קיין אפיציעלע רעגירונג דאטא. זיי דערמאנען אויך אז פריער אינעם יאר זענען די אפיציעלע וואוקס ציפערן אריינגעקומען פיל נידריגער ווי די 4 פראצענט וואס האסעט האט דעמאלטס פאראויסגעזאגט.
לגבי די אנעמפלוימענט קלעימס, טענה'ן די קריטיקירער אז כאטש עס איז טאקע נידריג, איז עס אבער געווען נאך נידריגער אין געוויסע טיילן פון דעם יאר, וואס מאכט זיין פארגלייך צו די צווייטע וועלט קריג אביסל איבערגעטריבן און אנטפלעקט נישט דאס גאנצע בילד.
דער קאנפליקט צייגט אן אויף א ברייטערן ריס צווישן די אפטימיסטישע מעסעדזשעס וואס קומען ארויס פונעם ווייסן הויז, און די ביטערע רעאליטעט פונעם פשוט'ן בירגער אויפן גאס וואס מוטשעט זיך נאך אלץ מיט די הויכע פרייזן אויף טעגליכע געברויכן און גראסערי ארטיקלען.
דער דירעקטאר פונעם נאציאנאלן עקאנאמישן קאונסיל, קעווין האסעט, פרובירט צו מאלן א גאר פאזיטיווע און ראזעווע בילד איבער דעם אמעריקאנער עקאנאמיע, האלטנדיג אין איין איבערחזר'ן אז אמעריקאנער בירגער ספענדן געלט אויף א שטארקן פארנעם וואס מען האט שוין נישט געזען פאר יארן לאנג.
לויט האסעט, איז די קאנסומער פארברויך געשטיגן דאס יאר צו די העכסטע שטאפלען אין די לעצטע יארן, וואס דאס איז לויט אים א קלארע באווייז אז די עקאנאמיע בליהט אונטער די יעצטיגע אדמיניסטראציע. ווי אויך טענה'ט ער אז די עקאנאמישע וואוקס (דזשי-די-פי) פארן דריטן קווארטאל האלט ביי א געשאצטע 4 ביז 5 פראצענט, א ציפער וואס ער האט שוין איבערגעחזר'ט עטליכע מאל ביי פארשידענע טעלעוויזיע אינטערוויוס אין די לעצטע וואכן.
צו פארענדיגן זיין פונקט, האט האסעט אנגעוויזן אויף די ארבעטסלאזע ראטעס (אנעמפלוימענט קלעימס), זאגנדיג אז די צאל מענטשן וואס בעטן ארבעטסלאזע בענעפיטן האלט ביי די נידריגסטע שטאפלען זינט די צווייטע וועלט קריג, ווען די אמעריקאנער ארבעטסקראפט איז געווען פיל קלענער ווי היינט.
האסעט נוצט די דריי סטאטיסטיקס — די שטארקע קאנסומער ספענדינג, די הויכע דזשי-די-פי, און די היסטאריש נידריגע אנעמפלוימענט ראטעס — אלס א שוץ-וואנט צו פארטיידיגן די אדמיניסטראציע קעגן די שווערע קריטיק איבער די הויכע אינפלאציע און די טייערע פרייזן וואס פלאגן דעם פאלק.
אבער עקאנאמיסטן און פאקטן-זוכער רייסן אראפ זיינע רייד און קויפן נישט אפ די לאקשן. זיי ווייזן אן אז זיין דזשי-די-פי ציפער איז בלויז א שאצונג און נישט קיין אפיציעלע רעגירונג דאטא. זיי דערמאנען אויך אז פריער אינעם יאר זענען די אפיציעלע וואוקס ציפערן אריינגעקומען פיל נידריגער ווי די 4 פראצענט וואס האסעט האט דעמאלטס פאראויסגעזאגט.
לגבי די אנעמפלוימענט קלעימס, טענה'ן די קריטיקירער אז כאטש עס איז טאקע נידריג, איז עס אבער געווען נאך נידריגער אין געוויסע טיילן פון דעם יאר, וואס מאכט זיין פארגלייך צו די צווייטע וועלט קריג אביסל איבערגעטריבן און אנטפלעקט נישט דאס גאנצע בילד.
דער קאנפליקט צייגט אן אויף א ברייטערן ריס צווישן די אפטימיסטישע מעסעדזשעס וואס קומען ארויס פונעם ווייסן הויז, און די ביטערע רעאליטעט פונעם פשוט'ן בירגער אויפן גאס וואס מוטשעט זיך נאך אלץ מיט די הויכע פרייזן אויף טעגליכע געברויכן און גראסערי ארטיקלען.