אריבער די טשעקפוינט: נייע TSA פאס ערלויבט באזוכער צו גיין ביזן געיט אן א טיקעט
גאלערי
ווידעאס
בס"ד
היסטארישע טויש אין עירפארטס: צום ערשטן מאל אין צענדליגע יארן וועט מען קענען באגלייטן משפחה ביזן 'געיט' אן א טיקעט
פאר צענדליגע יארן איז דאס געווען אוממעגליך, אבער יעצט טוישט זיך די בילד. די 'טי-עס-עי' (TSA) אגענטור האט געמאלדן א נייע פראגראם אונטערן נאמען "געיטסייד" (Gateside), וואס וועט ערלויבן מענטשן צו אריינגיין אינעם סעקיוריטי זאנע פונעם עירפארט צו באגלייטן אדער אויפנעמען פאמיליע מיטגלידער און פריינט דירעקט ביים געיט, אדער סתם אזוי צו באזוכן די געשעפטן און רעסטוראנטן אינעם טערמינאל, אפילו אן א בארדינג פאס.
די נייע פראגראם איז דערווייל אקטיוו אין 13 עירפארטס איבערן לאנד, אריינגערעכנט אין לאס אנדזשעלעס (LAX), דאלאס, לאס וועגאס, און סאן דיעגא, ווי אויך אין עטליכע קלענערע עירפארטס אין אנדערע סטעיטס ווי אהייא, אינדיאנא און אקלאהאמע. די אגענטור האט אבער קלארגעשטעלט אז די ליסטע וועט זיך פארברייטערן און נאך עירפארטס וועלן זיך אנשליסן אינעם פראגראם אין די קומענדיגע מאנאטן.
דער געדאנק פאר די נייע סיסטעם קומט דירעקט פון היימלאנד זיכערהייט סעקרעטאר, מארקוויין מאלין. אין אן אינטערוויו די וואך האט ער מסביר געווען אז די ציל איז צו מאכן די עקסיפיריענס פאר פאסאזשירן מער באקוועם און פריינטליך. ער האט אנגעוויזן אויף פעלער ווי ווען מענטשן קומען אהיים נאך א לאנגע צייט און די פאמיליע וויל זיי אויפנעמען גלייך ביים ארויסקומען פונעם פליגער. מאלין האט אונטערגעשטראכן אז דאס איז בשום אופן נישט קיין קאמפראמיס אויף סעקיוריטי, וויבאלד די פראגראם איז געבויט אויף די שוין-עקזיסטירנדע זיכערהייט סיסטעמען וואס די אגענטור נוצט און טראסט.
ווער איז בארעכטיגט און ווי אזוי ארבעט עס?
עס איז וויכטיג צו וויסן אז נישט יעדער קען סתם אזוי אריינשפאצירן. די פראגראם קומט מיט שטרענגע רעגולאציעס. קודם כל, מוז מען שוין זיין איינגעשריבן אין איינע פון די באקאנטע פראגראמען ווי 'טי-עס-עי פרי-טשעק' (TSA PreCheck) אדער 'גלאבאל ענטרי' (Global Entry) און פארמאגן א KTN נומער.
דערצו דארף מען אריינגעבן אן אפליקאציע אנליין צווישן איין און דריי טעג בעפארן פלאנירטן באזוך, וואו מען גיט איין די פערזענליכע דעטאלן. איינמאל מען ווערט באשטעטיגט, דארף מען מיטברענגען א פאסענדע איי-די (ID) צום עירפארט און אדורך גיין די נארמאלע 'פרי-טשעק' סעקיוריטי ליין פונקט ווי א געווענליכע פאסאזשיר. פאר די וואס האבן נישט קיין פאסענדע איי-די, שטעלט די אגענטור צו אן אלטערנאטיווע וועג זיך צו אידענטיפיצירן פאר אן אפצאל פון 45 דאלאר. קינדער קענען צוגעלייגט ווערן צו די אפליקאציע פון די עלטערן אן דארפן אן עקסטערע באשטעטיגונג.
א צוריקקער צו די אלטע צייטן
אין א געוויסן זין איז דאס א צוריקקער צו ווי אזוי אמעריקאנער עירפארטס האבן אמאל געארבעט. בעפאר די סעפטעמבער 11 טעראר אטאקעס האט יעדער געקענט פריי אריינגיין אין די טערמינאלן אן קיין בארדינג פאס. ערשט נאך די אטאקעס האט די רעגירונג געגרינדעט די TSA אגענטור און פארבאטן דעם צוטריט פאר ווער עס פארמאגט נישט קיין טיקעט.
די יעצטיגע מעלדונג קומט פונקט בעפאר די 25'סטע יארטאג פון די אטאקעס וואס האבן געטוישט די פנים פון לופט-רייזעס, און עס צייכנט אפ איינע פון די גרעסטע פארלייכטערונגען אין עירפארט רעגולאציעס אין די לעצטע צוויי צענדליג יאר. עס בלייבט איבער צו זען צי די פראגראם וועט זיך אויסברייטערן אן קיין פראבלעמען, אדער צי עס וועט ברענגען קריטיק איבער זיכערהייט קאנצערנען.
היסטארישע טויש אין עירפארטס: צום ערשטן מאל אין צענדליגע יארן וועט מען קענען באגלייטן משפחה ביזן 'געיט' אן א טיקעט
פאר צענדליגע יארן איז דאס געווען אוממעגליך, אבער יעצט טוישט זיך די בילד. די 'טי-עס-עי' (TSA) אגענטור האט געמאלדן א נייע פראגראם אונטערן נאמען "געיטסייד" (Gateside), וואס וועט ערלויבן מענטשן צו אריינגיין אינעם סעקיוריטי זאנע פונעם עירפארט צו באגלייטן אדער אויפנעמען פאמיליע מיטגלידער און פריינט דירעקט ביים געיט, אדער סתם אזוי צו באזוכן די געשעפטן און רעסטוראנטן אינעם טערמינאל, אפילו אן א בארדינג פאס.
די נייע פראגראם איז דערווייל אקטיוו אין 13 עירפארטס איבערן לאנד, אריינגערעכנט אין לאס אנדזשעלעס (LAX), דאלאס, לאס וועגאס, און סאן דיעגא, ווי אויך אין עטליכע קלענערע עירפארטס אין אנדערע סטעיטס ווי אהייא, אינדיאנא און אקלאהאמע. די אגענטור האט אבער קלארגעשטעלט אז די ליסטע וועט זיך פארברייטערן און נאך עירפארטס וועלן זיך אנשליסן אינעם פראגראם אין די קומענדיגע מאנאטן.
דער געדאנק פאר די נייע סיסטעם קומט דירעקט פון היימלאנד זיכערהייט סעקרעטאר, מארקוויין מאלין. אין אן אינטערוויו די וואך האט ער מסביר געווען אז די ציל איז צו מאכן די עקסיפיריענס פאר פאסאזשירן מער באקוועם און פריינטליך. ער האט אנגעוויזן אויף פעלער ווי ווען מענטשן קומען אהיים נאך א לאנגע צייט און די פאמיליע וויל זיי אויפנעמען גלייך ביים ארויסקומען פונעם פליגער. מאלין האט אונטערגעשטראכן אז דאס איז בשום אופן נישט קיין קאמפראמיס אויף סעקיוריטי, וויבאלד די פראגראם איז געבויט אויף די שוין-עקזיסטירנדע זיכערהייט סיסטעמען וואס די אגענטור נוצט און טראסט.
ווער איז בארעכטיגט און ווי אזוי ארבעט עס?
עס איז וויכטיג צו וויסן אז נישט יעדער קען סתם אזוי אריינשפאצירן. די פראגראם קומט מיט שטרענגע רעגולאציעס. קודם כל, מוז מען שוין זיין איינגעשריבן אין איינע פון די באקאנטע פראגראמען ווי 'טי-עס-עי פרי-טשעק' (TSA PreCheck) אדער 'גלאבאל ענטרי' (Global Entry) און פארמאגן א KTN נומער.
דערצו דארף מען אריינגעבן אן אפליקאציע אנליין צווישן איין און דריי טעג בעפארן פלאנירטן באזוך, וואו מען גיט איין די פערזענליכע דעטאלן. איינמאל מען ווערט באשטעטיגט, דארף מען מיטברענגען א פאסענדע איי-די (ID) צום עירפארט און אדורך גיין די נארמאלע 'פרי-טשעק' סעקיוריטי ליין פונקט ווי א געווענליכע פאסאזשיר. פאר די וואס האבן נישט קיין פאסענדע איי-די, שטעלט די אגענטור צו אן אלטערנאטיווע וועג זיך צו אידענטיפיצירן פאר אן אפצאל פון 45 דאלאר. קינדער קענען צוגעלייגט ווערן צו די אפליקאציע פון די עלטערן אן דארפן אן עקסטערע באשטעטיגונג.
א צוריקקער צו די אלטע צייטן
אין א געוויסן זין איז דאס א צוריקקער צו ווי אזוי אמעריקאנער עירפארטס האבן אמאל געארבעט. בעפאר די סעפטעמבער 11 טעראר אטאקעס האט יעדער געקענט פריי אריינגיין אין די טערמינאלן אן קיין בארדינג פאס. ערשט נאך די אטאקעס האט די רעגירונג געגרינדעט די TSA אגענטור און פארבאטן דעם צוטריט פאר ווער עס פארמאגט נישט קיין טיקעט.
די יעצטיגע מעלדונג קומט פונקט בעפאר די 25'סטע יארטאג פון די אטאקעס וואס האבן געטוישט די פנים פון לופט-רייזעס, און עס צייכנט אפ איינע פון די גרעסטע פארלייכטערונגען אין עירפארט רעגולאציעס אין די לעצטע צוויי צענדליג יאר. עס בלייבט איבער צו זען צי די פראגראם וועט זיך אויסברייטערן אן קיין פראבלעמען, אדער צי עס וועט ברענגען קריטיק איבער זיכערהייט קאנצערנען.