Loading
🌴 בצל הקודש סאטמאר 🌴 - תהילים שיעור פון היינט מיטוואך ויצא אין ישיבה סניף ויואל משה אויף קאפיטל ל"ד פסוק ט'.   |  🌴 בצל הקודש סאטמאר 🌴 - תהילים שיעור פון נעכטן דינסטאג ויצא אין ישיבה גדולה שיעור ד'.   |  🌴 בצל הקודש סאטמאר 🌴 - =מיטוואך ויצא=   |  🌴 בצל הקודש סאטמאר 🌴 - =דינסטאג ויצא=   |   🌴 בצל הקודש סאטמאר 🌴 - תהילים שיעור פון היינט מיטוואך ויצא אין ישיבה סניף ויואל משה אויף קאפיטל ל"ד פסוק ט'.   |  🌴 בצל הקודש סאטמאר 🌴 - תהילים שיעור פון נעכטן דינסטאג ויצא אין ישיבה גדולה שיעור ד'.   |  🌴 בצל הקודש סאטמאר 🌴 - =מיטוואך ויצא=   |  🌴 בצל הקודש סאטמאר 🌴 - =דינסטאג ויצא=   |  

שיפינג אינעם גאלף אונטער סכנה: IRGC מעלדט איבער פרישע טאנקער אויפרייסן אין שאטן פון די אמעריקע-איראן שפאנונגען

ט כסלו תשפ"ז

0 129
Main image for שיפינג אינעם גאלף אונטער סכנה: IRGC מעלדט איבער פרישע טאנקער אויפרייסן אין שאטן פון די אמעריקע-איראן שפאנונגען

ווידעאס


בס"ד

איראן טענה'ט: צוויי אויל טאנקירן האבן אויפגעריסן נאכן אריינפארן אין ים-מינעס אינעם הארמוז דורכגאס


די נעיווי אפטיילונג פון די איראנער 'רעוואלוציאנערע גווארדיע' (IRGC) טענה'ט אז צוויי אויל טאנקירן האבן אויפגעריסן און זיך אונטערגעצינדן נאכן אריינפארן אין ים-מינעס, בעת זיי האבן פרובירט אדורכצופארן דעם הארמוז דורכגאס דורך אן אומערלויבטע רוט אין די דרום זייט, לויט ווי טעהראן באצייכנט עס.


לויט די איראנער מיליטער, האבן די שיפן פרובירט צו פארן אין פארבאטענע וואסערן אן זיך צושטעלן צו זייערע אנווייזונגען. איין באריכט גיט אפילו אן אז איינע פון די טאנקירן איז געפארן אונטער די שוץ פונעם אמעריקאנער מיליטער. די IRGC האט שוין עטליכע מאל געווארנט קאמערציאלע שיפן נישט צו נוצן די רוטס וואס זיי פארבאטן, און האבן געסטראשעט מיט קאנסעקווענצן פאר שיפן וואס איגנארירן זייערע אנווייזונגען.


א ווידעא וואס צירקולירט אינאיינעם מיט די נייע קלעימס צייגט א גרויסע שיף וואס ברענט אין ים און לאזט ארויס געדיכטע שווארצע רויך, נאכגעפאלגט מיט א גראפיק פון די רעוואלוציאנערע גווארדיע. אבער עס איז דערווייל נישט זעלבסטשטענדיג באשטעטיגט געווארן צו די ווידעא האט טאקע א שייכות צו דעם ספעציפישן אינצידענט, און עס זענען דא שפעקולאציעס אז עס קען מעגליך זיין אן אלטע ווידעא פון א פריערדיגע געשעעניש. די איראנער אויטאריטעטן האבן נישט צוגעשטעלט קיין קלארע באווייזן צו אידענטיפיצירן די צוויי שיפן אדער צו באשטעטיגן די פונקטליכע אומשטענדן פון די אויפרייסן.


די יעצטיגע באריכטן קומען אין א צייט וואס די איראנער מיליטער און סטעיט מידיא האבן ארויסגעגעבן א רייע ענליכע מעלדונגען דורכאויס דעם חודש נאוועמבער, בשעת די אנגעצויגנקייט צווישן טעהראן און וואשינגטאן האלט ווייטער אן צו סטראשען קאמערציאלע שיפעריי אינעם גאלף. די 'רויטערס' נייעס אגענטור האט באריכטעט אז די איראנער נעיווי האט געטענה'ט דעם 14'טן נאוועמבער אז דריי טאנקירן האבן זיך אונטערגעצינדן נאכן אריינפארן אין מינעס, אבער זיי האבן צוגעלייגט אז זיי קענען נישט זעלבסטשטענדיג באשטעטיגן די באריכטן.


דערווייל האט די בריטישע 'יונייטעד קינגדאם מעריטיים טרעיד אפערעישאנס' דאקומענטירט עטליכע אטאקעס אויף טאנקירן וואס זענען געווארן באטראפן פון אומאידענטיפיצירטע פראדזשעקטיילס, אריינגערעכנט אינצידענטן אינעם הארמוז דורכגאס און אין די ארומיגע וואסערן. אבער די בריטישע באריכטן האבן נישט באשטעטיגט אז ים-מינעס זענען געווען פאראנטווארטליך פאר די אטאקעס וואס איראן באשרייבט.


די קעגנזייטיגע באריכטן לאזן איבער אסאך פראגע צייכנס איבער וואס פונקטליך האט פאראורזאכט די פייערס אויף די שיפן, ווער עס איז פאראנטווארטליך דערפאר, און וואס דער צושטאנד פון די פארמישטע שיפן איז. מיט די וואקסנדע זיכערהייט ריזיקעס וואס קאמערציאלע שיפן שטייען אויס, ברענגט די יעצטיגע סיטואציע ארויף ערנסטע זארגן איבער די זיכערהייט פון אינטערנאציאנאלע שיפעריי און די פלוס פון ענערגיע סופלייס וואס פארן דורך דעם וויכטיגן סטראטעגישן וואסער-וועג.