דאס מיינט פרעזידענט מאקראן ווען ער זאגט אז חאמאס איז נישט אקטיוו אין די מערב ברעג 🤦🏻♂️
גאלערי
ווידעאס
פראנצויזישער פרעזידענט מאקראן אין אומבאלימפערטע סטעיטמענט ביי די יו-ען: "כאמאס אפערירט נישט אין די וועסט בענק"
דער פראנצויזישער פרעזידענט עמאנועל מאקראן האט ארויסגערופן א שטורעם פון קריטיק, נאכדעם וואס ער האט געזאגט ביי א רעדע אינעם יו-ען דזשענעראל אסעמבלי אז די כאמאס טעראר גרופע האט קיינמאל נישט אפערירט אין די וועסט בענק. די קאמענטארן זענען געקומען אלס טייל פון זיין ברייטערע קריטיק קעגן די מדינת ישראל פאליסיס אין די ראיאן, אבער עס האט גלייך געצויגן שארפע רעאקציעס און אפווענדונגען.
בלויז עטליכע שטונדן נאך זיין רעדע, האט אנגעהויבן צירקולירן א ווידעא וואס צייגט פונקט דאס פארקערטע. אין די ווידעא זעט מען מאסקירטע און באוואפנטע טעראריסטן מארשירן אין פולע טאקטישע געצייג אויף א גאס אין די וועסט בענק, טראגנדיג גרינע כאמאס פלאגן און בילדער פון געפאלענע קעמפער. די בילדער זענען געווארן ארומגעשיקט אלס א דירעקטע אפווענדונג צו די פאלשע באהויפטונגען פונעם פראנצויזישן פירער.
די גרופע אין די ווידעא איז אידענטיפיצירט געווארן אלס די "דזשענין בריגאדע", א שירעם טעראר-נעצווערק וואס איז געגרינדעט געווארן אין יאר 2021. כאטש די גרופע איז הויפטזעכטליך פארבינדן מיט די פאלעסטינער איסלאמישע דזשיהאד, רעכנט עס אבער אויך אריין מיטגלידער פון די כאמאס 'על-קאסאם בריגאדעס' און אנדערע פראקציעס.
די עפנטליכע מארשן אונטערשטרייכן די אנגייענדע אקטיוויטעטן פון באוואפנטע טעראריסטן אין די וועסט בענק און די קאאפעראציע צווישן די פארשידענע פראקציעס אינמיטן דעם ברייטערן קאנפליקט. דער עפיזאד האט נאר פארשטארקט די דעבאטע איבער די קראנטקייט פון מאקראן'ס ווערטער און די פאקטישע רעאליטעט פון די זיכערהייט צושטאנד אויפן פעלד.