Loading
זעמל - ירושלים - אן אלטער און היסטארישער ספר תורה קאסטן..   |  זעמל - ענגלאנד - די ׳קינלאס שול׳ אין לאנדאן..   |  זעמל - מאנטריאל - די פאליציי האט געמאלדן די ארעסט פון א 32 יעריגער וועלכער האט מיט צוויי וואכן צוריק אויסגעשאסן די פענסטער פון א רעפארמער טעמפל אין שטאט. ..   |  זעמל - איטאליע - זעכציג יאר נאך די שווערע פארפלייצונגען אין פלארענץ האט זיך געעפנט א נייע אויסשטעלונג אינעם צענטראלן שול..   |  🌴 בצל הקודש סאטמאר 🌴 - רבינו שליט"א ביים שמחת השבע ברכות פון נכדת כ"ק אדמו''ר מטאהש שליט''א פארגעקומען היינט פארנאכטס אין די זאל פון המספיק אין קרית יואל..   |  🌴 בצל הקודש סאטמאר 🌴 - =מאנטאג ויצא=   |  🌴 בצל הקודש סאטמאר 🌴 - רבינו שליט"א ביי תפילת שחרית ומסיבת לחיים אין ישיבה גדולה שיעור ד'.   |   זעמל - ירושלים - אן אלטער און היסטארישער ספר תורה קאסטן..   |  זעמל - ענגלאנד - די ׳קינלאס שול׳ אין לאנדאן..   |  זעמל - מאנטריאל - די פאליציי האט געמאלדן די ארעסט פון א 32 יעריגער וועלכער האט מיט צוויי וואכן צוריק אויסגעשאסן די פענסטער פון א רעפארמער טעמפל אין שטאט. ..   |  זעמל - איטאליע - זעכציג יאר נאך די שווערע פארפלייצונגען אין פלארענץ האט זיך געעפנט א נייע אויסשטעלונג אינעם צענטראלן שול..   |  🌴 בצל הקודש סאטמאר 🌴 - רבינו שליט"א ביים שמחת השבע ברכות פון נכדת כ"ק אדמו''ר מטאהש שליט''א פארגעקומען היינט פארנאכטס אין די זאל פון המספיק אין קרית יואל..   |  🌴 בצל הקודש סאטמאר 🌴 - =מאנטאג ויצא=   |  🌴 בצל הקודש סאטמאר 🌴 - רבינו שליט"א ביי תפילת שחרית ומסיבת לחיים אין ישיבה גדולה שיעור ד'.   |  

ראבאטן נעמען איבער די נאכט שיפט אין האטעלן: פון טראגן וועש ביז ברענגען דעליוועריס פאר געסט

ז כסלו תשפ"ז

0 45
Main image for ראבאטן נעמען איבער די נאכט שיפט אין האטעלן: פון טראגן וועש ביז ברענגען דעליוועריס פאר געסט

ווידעאס


ראבאטן נעמען איבער די נאכט שיפטן אין האטעלן: א נייע עפאכע אין אטאמאציע


ראבאטן אין א מענטשליכע געשטעל הייבן אן צו ווייזן וויאזוי אטאמאציע קען אינגאנצן טוישן די סיסטעם פון האטעל אפעראציעס, בפרט דורכאויס די איבערנאכט שיפטן ווען עס איז דא א מאנגל אין ארבייטער און די כסדר'דיגע איבערגע'חזר'טע ארבעט קען לייגן א פרעשור אויפן סטעף.


אין א האטעל אין שאנכיי, האט די קאמפאני "עיס ראבאטיקס" (ACE Robotics) דעמאנסטרירט א ראבאט וואס פירט אויס א רייע סערוויס פליכטן, אריינגערעכנט דעליווערן פלעשער וואסער פאר געסט און באהאנדלען א גאנצע לאנדרי פראצעדור. די דעמאנסטראציע האט געוויזן ווי דער ראבאט נעמט צונויף די וועש פון די צימערן, גייט אדורך די קארידארן פונעם האטעל, אפערירט די וואש מאשינען און דרייערס, שלעפט די לאנדרי בעסקעטס, און ברענגט צוריק די ריינע וועש.


דער סיסטעם איז געמאכט צו באהאנדלען די רוטינע טעגליכע ארבעט וואס פאדערט זיך צו גיין אהין און צוריק צווישן די צימערן און די האטעל פאסיליטיס, וואס דאס וועט ערמעגליכן פאר די מענטשליכע ארבייטער זיך צו קאנצענטרירן אויף מער קאמפליצירטע געברויכן פון די געסט. די קאמפאני זאגט אז זייער צוגאנג קאמבינירט עטליכע טעכנאלאגיעס צו העלפן די ראבאטן פארשטיין זייער ארומיגע סביבה, אנטוויקלען פראקטישע סקילס, און פארבעסערן זייער פראדוקטיוויטעט דורך באקומען פידבעק פון די רעאלע וועלט.


דער פראצעס הייבט זיך אן מיט א פראגראם גערופן "מונדא" (Mundo), וואס טוישט בילדער פונעם האטעל אין א דיגיטאלע מאדעל וואס רעכנט אויס פיזישע דעטאלן ווי די וואג פון זאכן און וויאזוי זיי רירן זיך. נאכדעם קומט אריין "אסטרא" (Astra) וואס בויט און פארבעסערט די סקילס פונעם ראבאט, בשעת "אר-עס-איי" (RSI) נוצט די רעזולטאטן פון די פראקטישע ארבעט צו פארבעסערן וויאזוי די טעסקס ווערן אויסגעפירט.


לויט די באריכטן פון ACE, נעמט עס בערך 30 מינוט און 15 סעקונדעס פארן ראבאט זיך אויסצולערנען א נייע אפעראציע, אבער איינמאל ער קען עס שוין, נעמט אים בלויז 18.6 סעקונדעס עס אויסצופירן. די קאמפאני האט אויך אנגעוויזן אז זיי האבן דורכגעפירט 165 פראבעס ביים ארויסנעמען וועש פונעם דרייער, וואס האט געדויערט ארום 57 שעה, און די דורכשניטליכע איבערגעבליבענע וועש אין מאשין איז געפאלן פון 48 פראצענט צו 32 פראצענט, מיט א רעקארד פון בלויז 19 פראצענט.


ACE באשרייבט דעם גאנצן פראצעס אלס א פולשטענדיג אטאמאטישע סיסטעם. אבער טראץ די סוקסעספולע דעמאנסטראציע, איז נאך אלס נישט קלאר וויאזוי דער סיסטעם וועט זיך ספראווען אין אנדערע האטעלן אדער מיט אומגעראכטענע פארלאנגען פון געסט. דער אמת'ער פראבע וועט זיין צו זען אויב די ראבאטישע ארבייטער קענען טאקע זעלבסטשטענדיג און פארלעסליך באהאנדלען צענדליגע פארשידנארטיגע אויפגאבעס דורכאויס א גאנצע איבערנאכט שיפט.