א ראבאטישע סטרעטשער אויף טרעקס טראגט א פארוואונדעטן איבער שווערע טערעין אין אוקריינא
גאלערי
ווידעאס
בס"ד
אוקריינע: נייער ראבאט פראדוצירט צו עוואקואירן פארוואונדעטע סאלדאטן פונעם שלאכטפעלד
די אוקריינישע קאמפאני "ארמאלאב" (ARMOLAB) האט אהערגעשטעלט איר נייעם ערד-ראבאט סיסטעם, אנגערופן "ראבאנאשי" (Robonoshi). דאס איז אן אומבאמאנטע טרעקל וואס איז געבויט געווארן אין פארעם פון א סטרעטשער צו קענען עוואקואירן פארוואונדעטע סאלדאטן.
אין א ווידעא וואס די קאמפאני האט ארויסגעשטעלט פון די טעסטס, קען מען זען ווי דער ראבאט פארט אריבער גראז, ערד און אומגראדע וועגן, בשעת א מענטש ליגט אויפ'ן סטרעטשער. דער ציל דערפון איז צו טוישן דעם ביז-איצטיגן סיסטעם וואו מ'האט געדארפט טראגן די פארוואונדעטע מיט די הענט, וואס שטעלט אריין די אנדערע סאלדאטן אין א גרויסע סכנה אינעם קאמף זאנע.
די קאמפאני זאגט אז זיי האבן פארבעסערט דעם דיזיין נאכן באקומען אנווייזונגען פון א מעדיצינישע איינהייט וואס אפערירט אינעם קופיאנסק ראיאן. ווי אויך האבן זיי צוגעלייגט א צווייטע באטערי, וואס האט געהעכערט די ווייטקייט וואס עס קען פארן פון 10 ביז 20 קילאמעטער.
ביי א פרישע טעסט האט דער ראבאט באוויזן צו טראגן אן ארבייטער פון די קאמפאני וואס וועגט 170 קילאגראם, וואס איז פיל מער ווי די אפיציעלע וואג וואס עס קען נעמען. פריערדיגע באריכטן האבן געשטעלט די קאפאציטעט אויף ארום 100 קילאגראם. די קאמפאני גיט איבער אז דער דיזיין איז ספעציעל געמאכט צו פארמינערן די טרייסלונגען און צו פארמיידן אז דער פארוואונדעטער זאל זיך דערשטיקן דורכאויס די רייזע.
עס איז וויכטיג צו באטאנען אז דערווייל זענען דאס בלויז קאמפאני טעסטס מיט אן אייגענעם ארבייטער, און נישט קיין עכטע עוואקואציעס אויפ'ן שלאכטפעלד. דעריבער איז נאך אומבאקאנט ווי אזוי דער ראבאט וועט זיך פירן אונטער א שווערע פייער, אין טיפע בלאטעס, און ווען פיינטליכע דראונס פליען העכער די קעפ. דאך צייגט דער פראדזשעקט ווי אזוי אוקריינע הייבט אן צו נוצן ערד-ראבאטן פאר טייל פון די מערסט געפארפולע מיסיעס אין די מלחמה.
אוקריינע: נייער ראבאט פראדוצירט צו עוואקואירן פארוואונדעטע סאלדאטן פונעם שלאכטפעלד
די אוקריינישע קאמפאני "ארמאלאב" (ARMOLAB) האט אהערגעשטעלט איר נייעם ערד-ראבאט סיסטעם, אנגערופן "ראבאנאשי" (Robonoshi). דאס איז אן אומבאמאנטע טרעקל וואס איז געבויט געווארן אין פארעם פון א סטרעטשער צו קענען עוואקואירן פארוואונדעטע סאלדאטן.
אין א ווידעא וואס די קאמפאני האט ארויסגעשטעלט פון די טעסטס, קען מען זען ווי דער ראבאט פארט אריבער גראז, ערד און אומגראדע וועגן, בשעת א מענטש ליגט אויפ'ן סטרעטשער. דער ציל דערפון איז צו טוישן דעם ביז-איצטיגן סיסטעם וואו מ'האט געדארפט טראגן די פארוואונדעטע מיט די הענט, וואס שטעלט אריין די אנדערע סאלדאטן אין א גרויסע סכנה אינעם קאמף זאנע.
די קאמפאני זאגט אז זיי האבן פארבעסערט דעם דיזיין נאכן באקומען אנווייזונגען פון א מעדיצינישע איינהייט וואס אפערירט אינעם קופיאנסק ראיאן. ווי אויך האבן זיי צוגעלייגט א צווייטע באטערי, וואס האט געהעכערט די ווייטקייט וואס עס קען פארן פון 10 ביז 20 קילאמעטער.
ביי א פרישע טעסט האט דער ראבאט באוויזן צו טראגן אן ארבייטער פון די קאמפאני וואס וועגט 170 קילאגראם, וואס איז פיל מער ווי די אפיציעלע וואג וואס עס קען נעמען. פריערדיגע באריכטן האבן געשטעלט די קאפאציטעט אויף ארום 100 קילאגראם. די קאמפאני גיט איבער אז דער דיזיין איז ספעציעל געמאכט צו פארמינערן די טרייסלונגען און צו פארמיידן אז דער פארוואונדעטער זאל זיך דערשטיקן דורכאויס די רייזע.
עס איז וויכטיג צו באטאנען אז דערווייל זענען דאס בלויז קאמפאני טעסטס מיט אן אייגענעם ארבייטער, און נישט קיין עכטע עוואקואציעס אויפ'ן שלאכטפעלד. דעריבער איז נאך אומבאקאנט ווי אזוי דער ראבאט וועט זיך פירן אונטער א שווערע פייער, אין טיפע בלאטעס, און ווען פיינטליכע דראונס פליען העכער די קעפ. דאך צייגט דער פראדזשעקט ווי אזוי אוקריינע הייבט אן צו נוצן ערד-ראבאטן פאר טייל פון די מערסט געפארפולע מיסיעס אין די מלחמה.