דראמאטישע ווידעא: טראק דרייווער שפרינגט ארויס סעקונדעס בעפאר א צוג קראכט אריין אין זיין טראק אין טעקסאס

א דעשקעם ווידעא וואס איז געכאפט געווארן דורך אן אנוועזנדער מיטן נאמען דעיוויד באסורטא, האט רעקארדירט א שרעקעדיגע סצענע אין פארט וואורט, טעקסאס, וואו מען זעט ווי א טאנקער טראק דרייווער מאכט א העראישע אנטלויף און שפרינגט ארויס פון זיין קעב צו זיכערהייט, בלויז סעקונדעס בעפאר א 'BNSF' פראכט צוג קראכט אריין אינעם טראק מיט א געוואלדיגע קראפט.

דער קראך האט פאסירט מיטוואך, נאוועמבער 11, 2026, ארום 2:30 נאכמיטאג, ביי א באן-אריבערגאנג אויף די נארט-איסט 29'סטע סטריט אין די 'דיימאנד היל' געגנט. באאמטע געבן איבער אז דער טאנקער, וואס האט געטראגן רינדערנע פעטנס, איז פשוט געבליבן שטעקן אויף די שינעס. דער טראק איז גענצליך חרוב געווארן, אבער דער דרייווער איז ארויס אומגעשעדיגט.

אויפן ווידעא קען מען אויך זען ווי א מאן שפרינגט ארויס פונעם צוג בעפארן קראך, וואס לויט די פאליציי איז דאס באריכטעט געווען דער קאנדוקטאר פונעם צוג. אן ארבעטער פון די 'BNSF' באן פירמע איז אפגעפירט געווארן אין שפיטאל מיט לייכטע וואונדן וואס זענען נישט לעבנס-געפאר און געפינט זיך אין א סטאבילע צושטאנד. קיינער איז נישט אומגעקומען אינעם אינצידענט, און די פארט וואורט פייער דעפארטמענט האט איבערגעגעבן אז קיין שום גאסן זענען נישט פארמאכט געווארן נאכן עקסידענט.

די 'BNSF' פירמע זאגט אז זיי ארבעטן אינאיינעם מיט די לאקאלע פאליציי אויסצופארשן פונקטליך ווי אזוי דער צוזאמענשטויס האט פאסירט. די באן פירמע האט אויך אנגעוויזן אז דער אריבערגאנג האט געהעריגע טויערן און לעמפלעך, און זיי האבן גערופן צו דרייווערס און פוסגייער זיך צו האלטן ווייט פון די באן שינעס.