נייע "סופערמען" ראבאט שטוינט די וועלט מיט אומגלויבליכע שנעלקייט, אבער קראכט אינמיטן טעסטירן

די 'יוניטרי ראבאטיקס' קאמפאני ציט יעצט די אויפמערקזאמקייט פון די וועלט מיט זייער נייעם מענטשליכן ראבאט וואס ווערט אנגערופן "סופערמען". דער ראבאט האט געוויזן אן אומגלויבליכע שנעלקייט פון 28.3 מייל א שעה (12.66 מעטער א סעקונדע), און קען מאכן א שפרונג פון 2 מעטער הויך.

לויט באריכטן איז די נייע מאשין אנטוויקלט געווארן אין קוים אביסל מער ווי דריי מאנאטן, און די רעזולטאטן ווערן צוגעגליכן צו די בעסטע מענטשליכע אטלעטן. אבער אינאיינעם מיט די גוטע נייעס, האט א ווידעא פון די טעסטן געוויזן א ווייניגער סוקסעספולע מאמענט, ווען מען זעט ווי דער ראבאט הייבט אן לויפן גאר שנעל און דערנאך קראכט ער און בייגט זיך איין אינדערמיט.

די דראמאטישע ווידעא ברענגט ארויס די ריזיגע אינזשענירינג טשעלענדזשעס וואס קומט מיט'ן מאכן א מענטשליכע ראבאט זיך רוקן אזוי שנעל און נאכאלץ בלייבן סטאביל און קאנטראלירט. אין אן אנדערע אינצידענט דורכאויס די דעמאנסטראציעס, האט מען געזען אן אנדערע ראבאט זיך ווארפן אומקאנטראלירט נאכדעם וואס די רימאוט-קאנטראל האט אויפגעגעבן. דאס ברענגט ארויף ערנסטע זארגן איבער די ברעיקס, באלאנס, און עמערדזשענסי אפשטעל סיסטעמען פון די ראבאטן.

כאטש די דורכפעלער מיינען נישט דוקא אז די טעכנאלאגיע איז אומזיכער, צייגט עס אבער אז אנצוקומען צו א הויכע שנעלקייט איז נאר איין טייל פון בויען א פארלעסליכע ראבאט. ווי אויך דארף מען באטאנען אז די 28.3 מייל-א-שעה שנעלקייט איז בלויז א באריכט פון די קאמפאני אליינס און איז נאכנישט באשטעטיגט געווארן דורך אן אומאפהענגיגע קוועלע.

די צייט אפשניט פון די "סופערמען" דעמאנסטראציעס איז גאר אינטערעסאנט, וויבאלד עס קומט פונקט ווען בעידזשינג גרייט זיך צו האסטירן די צווייטע 'וואורלד הומענאיד ראבאט געימס' פון אוגוסט 22 ביזן 26'סטן. די ארגאניזירער זאגן אז 2,056 ראבאטן פון 666 טיעמס פון 16 לענדער וועלן זיך פארמעסטן.

די פארמעסטן וועלן ארייננעמען לויפן, סאקער, מארשעל ארטס, גימנאסטיק און פראקטישע אויפגאבעס, וואס מאכט עס פאר א ריזיגע אויסשטעלונג פאר די שנעל-וואקסנדע אינדוסטריע. עטלעכע פון די לויפן פארמעסטן דעם יאר זענען געפלאנט צו זיין קאמפלעט אטאנאמיש, וואס מיינט אז די ראבאטן וועלן דארפן לויפן אן קיין שום מענטשליכע רימאוט קאנטראל אדער אריינמישונג אינמיטן די רעיס.

די נייע סופערמען ראבאט קומט אן אין א צייט וואס די ראבאטיקס אינדוסטריע רוקט זיך אלס מער אוועק פון פלעין ווייזן אינטערעסאנטע שטיקעס, און הייבט אן לייגן די פאקוס אויף פאקטישע פארלעסליכקייט אין די עכטע וועלט. א מאשין וואס קען לויפן מיט אן אומגעווענליכע שנעלקייט אדער שפרינגען צוויי מעטער הויך איז טאקע געוואלדיג, אבער עס מוז זיך אויך קענען אפשטעלן זיכערערהייט, זיך צוריק כאפן פון אומגעראכטענע מאוומענטס, און קענען ארבעטן ארום מענטשן אן פארלירן קאנטראל. דער ריס צווישן א ספעקטאקולערע אטלעטישע קראפט און א פארלעסליכע טעגליכע פערפארמענס איז יעצט פון די גרעסטע פראבלעמען וואס די ראבאטיקס קאמפאניס דארפן סאלוון, בעת זיי יאגן זיך צו ברענגען די מעכטיגע מאשינען אין פאבריקן, היימען און פובליק פלעצער.