בס"ד

מדינת ישראל מיליטער אינטערסעפט א דראון אנגעפילט מיט דראגס וואס האט פרובירט אריינצושמוגלען קיין עזה

מדינת ישראל קרעפטן האבן היינט פארטאגס אראפגעברענגט א דראון אנגעפילט מיט דראגס, בעת עס האט פרובירט אריינצושמוגלען די סחורה אינעם עזה פאס, לויט ווי די מיליטער גיט איבער.

די דראון איז אינטערסעפט געווארן אינמיטן פליען פון די מדינת ישראל טעריטאריע אריין קיין עזה, און איז אראפגעברענגט געווארן נאך בעפאר עס האט אריבערגעקרייצט די גרעניץ, נעבן קיבוץ נחל עוז. זעלנער האבן קאנפיסקירט די דראון און איר אינהאלט, וואס די אויטאריטעטן האבן אידענטיפיצירט אלס די דראגס באקאנט ווי 'קעפטאגאן' און 'האשיש'.

מיליטערישע באאמטע האבן אנגעוויזן אז עס האנדלט זיך פון א גרויסע קאמערציאלע דראון וואס קען שלעפן שווערע וואג, וואס מאכט עס פאסיג צו טראנספארטירן גרויסע קוואנטומס פון אומלעגאלע סחורה. די קרעפטן פארשן ווייטער אויס דעם אינהאלט און ארבעטן צו דערגיין ווער עס שטייט אונטער דעם פלי.

דער פרישער אינצידענט צייגט אן אויף די כסדר'דיגע פראבלעם פון שמוגלערייען דורך דראונס קיין עזה, וואס איז שטארק געשטיגן אין די לעצטע יארן. די דראגס ווערן גענוצט סיי צו מאכן געלט און סיי צו שטיצן טעראר נעצן. די קעפטאגאן דראג, וואס ווערט אפט אנגערופן די "קעראדזש דראג" (מוט-דראג), איז שוין אין די פארגאנגענהייט געטראפן געווארן ביי טעראר גרופעס אין די ראיאן, בעת האשיש איז א געהעריגע ארטיקל וואס ווערט כסדר געשמוגלט איבער די גרעניצן.

די מיליטער זאגט אז זיי האבן שוין באמערקט עטליכע ענליכע פרואוון לעצטנס, וואו פארדעכטיגטע אויף די מדינת ישראל זייט לאדנען אן דראונס און שיקן עס אריבער די גרעניץ אונטערן שלייער פון טונקלקייט. די זעלנער זענען אויף הויכע אלערט אויפצוכאפן און נייטראליזירן די דראונס בעפאר זיי קומען אן צום ציל.

באאמטע לייגן א טראפ אז יעדע מאל וואס מען כאפט אזא דראון, שטערט עס די סופליי ליניעס און נעמט אוועק רעסורסן פון די טעראריסטן. אן אויספארשונג גייט אן צו טרעפן די פאראנטווארטליכע וואס האבן אפערירט די דראון.