שוידערליכע קראך: 9 אומגעקומען נאכדעם וואס א פריוואטע דזשעט קראכט אריין אין א שאסיי אין פלארידע

ניין מענטשן זענען זונטאג אומגעקומען נאכדעם וואס א 'ליר-דזשעט 60' עראפלאן האט אריינגעקראכט אין א שאסיי אין פאלם ביטש קאונטי, פלארידע, וואס האט אויפגעריסן אין פלאמען און איבערגעלאזט א ריזיגע קראטער אינעם ראוד.

דער פריוואטער דזשעט איז געווען אויפ'ן וועג פון אסטין, טעקסאס, קיין באהאמאס, ווען עס האט פלוצלינג פארלוירן הויכקייט און אריינגעקראכט אין די גרינאקערס געגנט קורץ פאר 1:00 נאכמיטאג.

לויט פלייט-טרעקינג דאטא, האט דער עראפלאן אנגעהויבן צו פאלן מיט א גאר שנעלע ספיד קורץ פאר'ן קראכן. די פילאטן האבן באריכטעט איבער שווערע טוירבולענס און אייז קאנדישאנס בעפאר זיי האבן אריינגעגעבן אן עמערדזשענסי רוף.

דער קראך האט געפירט צו א מאסיווע עמערדזשענסי רעספאנס, עטליכע לאקאלע גאסן זענען אפגעשפארט געווארן, און ארום 600 איינוואוינער פון די ארומיגע הייזער זענען עוואקואירט געווארן.

די 'פעדעראלע אוויאציע אדמיניסטראציע' (FAA) און די 'נעשאנאל טראנספארטעישאן סעיפטי באורד' (NTSB) זענען אויפן ארט און פארשן אויס די אורזאך פונעם קראך.