כינעזער באליסטישע מיסיל געפונען אין תימן; מעגליך באנוצט געווארן דורך סאודי אראביע

א כינעזער-געמאכטע "DF-15" באליסטישע מיסיל איז לויט באריכטן געפונען געווארן אין די שטאט מאריב אין תימן, וואס האט תיכף ארויסגערופן שפעקולאציעס איבער איר מקור. ווי באקאנט פארמאגן נישט די האוטי רעבעלן די סארט סיסטעמען, נאר זיי פארלאזן זיך הויפטזעכטליך אויף איראנער-געמאכטע וואפנס פאר זייער ארסענאל. די אומערווארטעטע געפינס פון די מיסיל טיילן אין דעם ראיאן האט געפירט עקספערטן צו די מסקנא אז דאס איז מעגליך די ערשטע מאל וואס סאודי אראביע האט זיך באנוצט מיט די מער פארגעשריטענע "DF-15A" ווערסיע אויפן שלאכטפעלד.

די געפינס קומט נאך וואס עס איז שוין פריער דאקומענטירט געווארן אז ריאד האט געהיים איינגעקויפט כינעזער באליסטישע מיסילס, אריינגערעכנט די עלטערע "DF-3A" און די מער מעכטיגע "DF-21". די פריערדיגע איינקויפן האבן שוין אנגעצייגט אויף א שטילע פארברייטערונג פון סאודי אראביע'ס לאנג-שטרעקיגע אטאקע מעגליכקייטן, ארויסגייענדיג פון זייערע געווענליכע מערב-וועלט סופלייערס.

די נייע איבערבלייבענישן ברענגט ארויף פרישע פראגעס איבער ווי ווייט כינעזער מיסילס זענען אריין אין אקטיווע באנוץ דורך סאודי אראביע, צי עס זענען דא נאך וואפן סיסטעמען וואס זענען געהאלטן געווארן אין געהיים, און וואס די אנטוויקלונג באדייט פאר די באלאנס פון קראפט אינעם אנגייענדעם קאנפליקט אין תימן.