א ווידיאו קליפ וואס צייגט אויפבלאזבארע (inflatable) נאכגעמאכטע טאנקען, העליקאפטערס און פליגערס אין א מדבר און אין אן אינדאר פאסיליטי, פארשפרייט זיך לעצטנס אויף סאשעל מידיע. פארשידענע אקאונטס, אריינגערעכנט איראנער באנוצער, האבן אנגעהויבן פארשפרייטן קלאנגען אז איראן האט איינגעקויפט א ריזיגע מאס פון די פאלשע געצייג פון כינע, מיט'ן ציל אפצונארן אמעריקע און מדינת ישראל.

עס איז אבער דא איין גרויסע פראבלעם: עס איז נישטא קיין שום באווייזן וואס זאלן אונטערשטיצן די באהויפטונגען. די בילדער און ווידיאוס וואס ווערן פארשפרייט קומען ענדערש פון קאמערציאלע אדער פאראדיע קוועלער, און האבן גארנישט צוגעטאן מיט סיי וועלכע איראנער מיליטערישע אפעראציע. די ריזיגע נומערן וואס ווערן געווארפן, אריינגערעכנט קלאנגען איבער הונדערטער טויזנטער אזעלכע פאלשע טאנקען, זענען גענצליך אן קיין אפיציעלע באשטעטיגונג.

דאס מיינט אבער נישט אז דער געדאנק פון נוצן פאלשע געצייג איז עפעס א ווילדע זאך. מיליטערן איבער די וועלט נוצן שוין אזעלכע טאקטיקן פאר צענדליגע יארן, און אויפבלאזבארע מיליטערישע געצייג ווערן אפן פארקויפט דורך פאבריקאנטן, וואס דאס איז טאקע די סיבה פארוואס די מעשה קוקט אויס אזוי גלייבליך. איראן האט טאקע ווארשיינליך געקויפט עכטע מיסיל טיילן און אנדערע מיליטערישע עקוויפמענט פון כינע און רוסלאנד, אבער דאס איז א גרויסע חילוק פון א מאסיווע ארדער פון אויפבלאזבארע טאנקען.

פאקט-טשעקערס זאגן אז אלטע, איבערגעמאכטע און AI-גענערירטע קליפס האבן ממש פארפלייצט סאשעל מידיע זינט דער יעצטיגער קאנפליקט האט אויסגעבראכן. דאס מאכט אז יעדע וויירעל ווידיאו וואס קומט ארויס אלס א "באווייז" ברויך מען איבערקוקן צוויי מאל. די פראגעס וואס מ'דארף זיך פרעגן בעפאר'ן פארשפרייטן ווייטער זענען פשוט: וואו איז דאס געכאפט געווארן? ווער האט עס געמאכט? און ווער זאגט באמת אז איראן האט עס געקויפט?