כינע שטעלט פאר אן אומגלויבליכע טעכנאלאגיע: א פליענדיגע 'לייף-באוי' ראבאט צו ראטעווען מענטשן פון דערטרינקען ווערן

כינע האט אנטפלעקט א נייע ערפינדונג וואס זעט אויס ווי ארויסגענומען פון א סייענס-פיקשאן פילם: אן 'עי-איי' (AI) געטריבענע 'לייף-באוי' וואס פליט אליינס צו מענטשן וואס האלטן ביים זיך דערטרינקען. די נייע דראון-סטייל מאשין איז אויספרובירט געווארן דורכאויס א וואסער-ראטונג דריל אין אוגוסט 2026 ביים 'קסיאנגהו' לעיק אין די שטאט האנגזשאו.

די מאשין הייבט זיך אויף פונעם ברעג, פליט מיט אן אימפעט איבער'ן וואסער, און לאנדעט פונקטליך נעבן דעם מענטש וואס געפינט זיך אין א סכנה. ווי נאר עס רירט אן דעם מענטש, לעשט עס אויטאמאטיש אויס די מאטארן (ראטארס) כדי עס זאל בלייבן סטאביל, אפילו ווען א מענטש כאפט זיך אן דערין פאר הילף. די קלוגע פליענדיגע ראטונגס-ראבאט איז אנטוויקלט געווארן דורך די לאקאלע פאליציי אין האנגזשאו, און עס נוצט אן אויטאמאטישע נאוויגאציע סיסטעם. דאס מיינט אז עס פעלט נישט אויס קיין פילאט אדער א רימאוט קאנטראל, און עס איז נישטא קיין שום פארזוימונג; די מאשין שפירט אליינס וואו מען ברויך הילף און קומט אן אהין אין סעקונדעס.

די ציפערן אונטער די נייע טעכנאלאגיע זענען פונקט אזוי אינטערעסאנט. די מאשין קען פליען ביז צוויי קילאמעטער ווייט, און גרייכן א שנעלקייט פון צווישן 10 און 14 מעטער א סעקונדע, וואס מאכט איר פיל שנעלער ווי די טראדיציאנאלע ראטונגס-שיפלעך אין די קריטישע סעקונדעס ווען א מענטש הייבט אן אונטערצוגיין. עס איז גענוג שטארק צו האלטן צוויי דערוואקסענע מענטשן פון 80 קילאגראם אויף איין מאל, וואס קויפט אפ טייערע צייט ביז די עמערדזשענסי רעספאנדערס קומען אן מיט א שיפל צו פארענדיגן די רעטונגס אפעראציע.

ווי נאר די ארבעט איז פארטיג און דער מענטש איז אין זיכערע הענט, הייבט זיך די 'לייף-באוי' צוריק אויף פונעם וואסער און פליט אליינס צוריק צום ברעג. כינעזע באאמטע, אריינגערעכנט א ווארטזאגער פונעם אויסערן מיניסטעריום, האבן עפנטליך אויסגעלויבט די נייע טעכנאלאגיע, אנגעצייגנדיג אז דאס איז א טייל פון א ברייטערע כוואליע פון 'עי-איי' עמערדזשענסי געצייג וואס טוישט דעם וועג וויאזוי כינע רעאגירט צו קאטאסטראפעס אין רעאלע צייט.