פייער אפשטעל. די מדינת ישראל מיליטערישע קאבינעט האט נעכטן ארויסגעלייגט אן אפמאך וואס זי איז גרייט צו האבן מיט חאמאס טעראריסטן, און יעצט ווארט מען אויף א באשטעטיגונג פון חאמאס, וואס וועט לויט אלע ווארשיינליכקייטן קומען. די פארהאנדלונגען זענען פארגעקומען אין קאטאר, און די אפמאך איז ווי פאלגענד. ערשטן טייל. חאמאס וועט באפרייען דריי און דרייסיג משכונות, דאס רעכנט אריין אלע פרויען, סיי מיליטערישע און סיי ציווילע. מענער העכער פופציג, און פארוואונדערטע יונגער אויך. די באפרייאונגען וועלן זיך אנהייבן מיט אכט און פערציג שעה נאכדעם וואס די פייער אפשטעל גייט אריין אין קראפט. מיליטעריש וועט צה"ל אפשטעלן אפעראציעס אין עזה, אבער וועט אנהאלטן א קליינע צאל פאזיציעס ביי די פאלידילפיע קארידאר. מדינת ישראל וועט באפרייען בערך טויזנט איסלאמישע ארעסטאנטן, צווישן זיי ארום צוויי הונדערט טעראריסטן, וואס זענען אנגעקלאגט אויף מארד פארבינדעטע קלאגעס. די מער געפארפולע ארעסטאנטן, וועלן נישט באפרייט ווערן קיין יהודה ושומרון, נאר וועלן באפרייט ווערן אין קאטאר, אלדשעריע, אדער די עזה פאס. צווייטע פאזע נאך זעכצן טעג פון די ערשטע באפרייאונג, וועט די צווייטע פאזע אריינגיין אין קראפט, ווי מדינת ישראל וועט ענדיגן באפרייען די טעראריסטן און חאמאס וועט באפרייען אלע איבערגעבליבענע משכונות לעבעדיג אדער גופים ה"י. די פייער אפשטעל נעמט אויך אריין די באפרייאונג פון צוויי משכונות וואס זענען שוין פארכאפט נאך פון בעפאר די מלחמה. מדינת ישראל וועט זיך נישט פארפליכטן צו ענדיגן די מלחמה, אין פאקט זאגן קוועלער, אז מדינת ישראל רעדט יעצט מיט די טראמפ אדמיניסטראציע, צו קענען האבן א רעכט צו אנהאלטן די קראפט אין עזה אפילו נאך די פייער אפשטעל, אבער דאס איז נישט באשטעטיגט. חאמאס האט ארויסגעוויזן בויגזאמקייט ביי די יעצטיגע פארהאנדלונגען מיטן ארויפגיין פון צוועלף צו דריי און דרייסיג משכונות וואס וועלן באפרייט ווערן ביים ערשטן פאזע ווי אויבן דערמאנט.