ווידיאו גייט וויירעל: א הונט נעמט איבער דעם פארמער און מאכט קאנאלן צו באוואסערן דאס פעלד

א קורצע ווידיאו קליפ וואס מאכט יעצט איר וועג אויף די סאציאלע נעצן צייגט אן אינטערעסאנטע סצענע, ווי א ברוין הונט גראבט קאנאלן אין א בלאטיגע פעלד און פירט דאס וואסער פונקטליך אהין וואו עס דארף גיין.

לויט ווי עס ווערט אנגעגעבן, איז דער הונט אויפגעוואקסן זעענדיג ווי זיין אייגנטומער באוואסערט דאס פעלד יעדן טאג. איין טאג ווען דער אייגנטומער איז נישט געווען דארט, זעט אויס ווי דער הונט האט אליין איבערגענומען די גאנצע ארבעט. אין די קליפ קען מען זען ווי דער הונט נוצט זיינע לאפעס צו עפענען די ערד און פירן דעם שטראם פונעם וואסער, פונקט ווי א פארמער וואלט געטאן מיט א האק. דאס האט געברענגט פילע צו פרעגן צי א הונט קען טאקע זיך אויסלערנען אזעלכע קאמפליצירטע פארמינג ארבעט בלויז דורך נאכקוקן.

עקספערטן וואס שטודירן די אויפפירונג פון חיות זאגן שוין לאנג אז הינט לייגן שטארק אכט אויף מענטשן און קענען זיך אויסלערנען געוואוינהייטן דורך נאכקוקן, ממילא איז די געדאנק נישט אזוי ווייט פון די מציאות. דאך איז די פולע געשיכטע אונטער די ווידיאו נאכנישט באשטעטיגט געווארן, אריינגערעכנט ווער דער אייגנטומער איז, וואו דאס איז געכאפט געווארן, און צי דער אייגנטומער איז טאקע נישט געווען דארט בשעת מעשה.

טייל מענטשן טענה'ן אז דער הונט שפילט זיך פשוט מיט די רינענדיגע וואסער, וויבאלד אסאך הינט גלייכן צו גראבן און זיך שפילן אין בלאטע. ווי עס זאל נאר נישט זיין, ברענגט די ווידיאו ארויף אן אינטערעסאנטע פראגע איבער וויפיל ארבעטס-חיות פארשטייען טאקע די אויפגאבעס וואס זיי זען יעדן טאג, און עס לאזט מענטשן טראכטן וואס נאך אזא הונט קען זיך אויסלערנען צו טאן אויפן פארם.