שאק: צה"ל דעקט אויף ווי חאמאס גרייט זיך פאר פרישע אטאקעס אינעווייניג אין אן עזה שפיטאל
גאלערי
ווידעאס
צה"ל פארעפנטליכט באווייזן: כאמאס טעראריסטן נוצן קאמאל אדוואן שפיטאל אין עזה אלס טעראר באזע
די מדינת ישראל מיליטער האט ארויסגעגעבן פרישע ווידעא מאטעריאל וואס צייגט ווי באוואפנטע כאמאס טעראריסטן אפערירן אומגעשטערט פונעם 'קאמאל אדוואן' שפיטאל אין צפון עזה. לויט די מיליטער, דינט די געביידע אלס א נארמאלע מעדיצינישע קליניק בייטאג, אבער כאמאס נוצט דעם ארט און די ארומיגע געגנט זיך איבערצובויען און פאראויסרוקן פרישע אטאקעס.
מיליטערישע באאמטע האבן ארויסגעברענגט אז די טעראר גרופע נוצט דירעקט אויס די אנוועזנהייט פון פאציענטן, דאקטוירים און ציווילע בירגער אלס א לעבעדיגע שוץ-וואנט פאר זייערע טעראר אקטיוויטעטן. די נייע באווייזן זענען געצילט צו דאקומענטירן דעם טאפלטן באנוץ פונעם שפיטאל.
דאס איז ווייט נישט דאס ערשטע מאל וואס דער שפיטאל ווערט באנוצט פאר טעראר. אין דעצעמבער 2024, האבן צה"ל קרעפטן וועלכע האבן אפערירט ארום דעם זעלבן שפיטאל אנטדעקט גרויסע קוואנטומס פון וואפן און מיליטערישע עקוויפמענט. ביי יענע אפעראציע זענען ארעסטירט געווארן העכער 240 טעראריסטן פון כאמאס און די איסלאמישע דזשיהאד, אינאיינעם מיט אנדערע פארדעכטיגטע.
די פרישע אנטדעקונג אונטערשטרייכט די אנגייענדע זארג איבער די ראלע פונעם שפיטאל אין שטיצן טעראר. מיט'ן פארעפנטליכן די ווידעא קליפס, צילט די מיליטער ארויסצוברענגען פאר די וועלט וויאזוי מעדיצינישע צענטערן ווערן אויסגענוצט אויף א שטייגער וואס שטעלט ציווילע אין א דירעקטע סכנה, און עס צייגט די שוועריגקייטן פון פירן א מלחמה אין א געגנט וואו עס איז שווער צו מאכן אן אונטערשייד צווישן לעגיטימע מעדיצינישע הילף און א מיליטערישע באזע.