א הונט ראטעוועט זיך פון די פארפלייצונגען אין טשילע נאך דורכגעפאלענע רעטונגס פרואוון
גאלערי
ווידעאס
דראמאטישע סצענעס אין טשילע: א הונט ראטעוועט זיך פון א פארפלייצטע טייך נאך שעות פון אנגעצויגנקייט
דעם 6'טן אקטאבער 2026, האט דאס גאנצע לאנד טשילע מיטגעהאלטן מיט אנגעצויגנקייט א דראמאטישע סצענע, ווען א הונט מיטן נאמען 'מאראטשא' איז געבליבן שטעקן אויף א שטיק קאנקריט אינמיטן דעם 'מאפאטשא' טייך אין די הויפטשטאט סאנטיאגא. דער טייך איז געווען איבערגעפילט און האט געשטורעמט נאך שווערע רעגנס וואס האבן באטראפן דעם ראיאן.
פייערלעשער, די ספעציעלע 'GOPE' פאליציי יוניט, און לאקאלע שטאטישע ארבייטער זענען שנעל אראפגעקומען צום סצענע. די רעטונג אקציע האט זיך פארצויגן פאר לאנגע שעות און איז אפילו טראנסמיטירט געווארן לייוו אויף די לאקאלע טעלעוויזיע קאנאלן. איין מאן האט פרובירט אריינצוגיין אינעם טייך אים צו ראטעווען, אבער די שטארקע וואסער שטראם האט אים צוריקגעשטיפט. א צווייטע פרואוו אים ארויסצושלעפן מיט א שטריק איז אויך דורכגעפאלן. דערנאך איז געשען דאס ערגסטע: מאראטשא האט פארלוירן זיין באלאנס און איז אריינגעפאלן אינעם ווילדן טייך, וואס האט אים אראפגעשלעפט עטליכע מעטער. די צושויער זענען געשטאנען מיט טרערן אין די אויגן, מורא האבנדיג אויפ'ן ערגסטן.
אבער קעגן אלע ערווארטונגען, האט דער בערך צוויי-יעריגער הונט באוויזן צו האלטן זיין קאפ איבערן וואסער. ער האט זיך געשלאגן מיטן שטראם ביז ער איז אנגעקומען צו א רואיגערע טייל פונעם טייך, און האט זיך אליינס ארויסגעשלעפט פונעם וואסער, צו די פרייד און אפלאדיסמענטן פונעם עולם. ער איז אפגעפירט געווארן צום שטאטישן וועטערינאר קליניק אין סאנטיאגא, וואו דאקטוירים האבן אים אונטערגעזוכט און געפונען אז ער איז אין א גוטן צושטאנד און ליידט בלויז פון לייכטע וואונדן. אגב, איז מאראטשא נישט געווען דער איינציגסטער געראטעוועטער יענעם טאג; אן אנדערער הונט מיטן נאמען 'לולו' איז פריער ארויסגעצויגן געווארן מיט א הארנעס סיסטעם.
נאכן אינצידענט האט די שטאט סאנטיאגא אויפגענומען מאראטשא אלס זייער אפיציעלער חיות-אמבאסאדאר צו העלפן פראמאטן דאס אדאפטירן חיות. דער באשלוס האט אבער ארויסגערופן א דעבאטע אויף סאשעל מידיא, וואו טייל באנוצער טענה'ן אז אזא יונגער הונט פארדינט א נארמאלע, סטאבילע משפחה און א ווארעמע היים, ענדערש ווי א שטאטישע טיטל.
דעם 6'טן אקטאבער 2026, האט דאס גאנצע לאנד טשילע מיטגעהאלטן מיט אנגעצויגנקייט א דראמאטישע סצענע, ווען א הונט מיטן נאמען 'מאראטשא' איז געבליבן שטעקן אויף א שטיק קאנקריט אינמיטן דעם 'מאפאטשא' טייך אין די הויפטשטאט סאנטיאגא. דער טייך איז געווען איבערגעפילט און האט געשטורעמט נאך שווערע רעגנס וואס האבן באטראפן דעם ראיאן.
פייערלעשער, די ספעציעלע 'GOPE' פאליציי יוניט, און לאקאלע שטאטישע ארבייטער זענען שנעל אראפגעקומען צום סצענע. די רעטונג אקציע האט זיך פארצויגן פאר לאנגע שעות און איז אפילו טראנסמיטירט געווארן לייוו אויף די לאקאלע טעלעוויזיע קאנאלן. איין מאן האט פרובירט אריינצוגיין אינעם טייך אים צו ראטעווען, אבער די שטארקע וואסער שטראם האט אים צוריקגעשטיפט. א צווייטע פרואוו אים ארויסצושלעפן מיט א שטריק איז אויך דורכגעפאלן. דערנאך איז געשען דאס ערגסטע: מאראטשא האט פארלוירן זיין באלאנס און איז אריינגעפאלן אינעם ווילדן טייך, וואס האט אים אראפגעשלעפט עטליכע מעטער. די צושויער זענען געשטאנען מיט טרערן אין די אויגן, מורא האבנדיג אויפ'ן ערגסטן.
אבער קעגן אלע ערווארטונגען, האט דער בערך צוויי-יעריגער הונט באוויזן צו האלטן זיין קאפ איבערן וואסער. ער האט זיך געשלאגן מיטן שטראם ביז ער איז אנגעקומען צו א רואיגערע טייל פונעם טייך, און האט זיך אליינס ארויסגעשלעפט פונעם וואסער, צו די פרייד און אפלאדיסמענטן פונעם עולם. ער איז אפגעפירט געווארן צום שטאטישן וועטערינאר קליניק אין סאנטיאגא, וואו דאקטוירים האבן אים אונטערגעזוכט און געפונען אז ער איז אין א גוטן צושטאנד און ליידט בלויז פון לייכטע וואונדן. אגב, איז מאראטשא נישט געווען דער איינציגסטער געראטעוועטער יענעם טאג; אן אנדערער הונט מיטן נאמען 'לולו' איז פריער ארויסגעצויגן געווארן מיט א הארנעס סיסטעם.
נאכן אינצידענט האט די שטאט סאנטיאגא אויפגענומען מאראטשא אלס זייער אפיציעלער חיות-אמבאסאדאר צו העלפן פראמאטן דאס אדאפטירן חיות. דער באשלוס האט אבער ארויסגערופן א דעבאטע אויף סאשעל מידיא, וואו טייל באנוצער טענה'ן אז אזא יונגער הונט פארדינט א נארמאלע, סטאבילע משפחה און א ווארעמע היים, ענדערש ווי א שטאטישע טיטל.