טעראריסטן עלימינירט: צה"ל און שב"כ האבן אומגעברענגט מוחמד חלאווא און אכמעד אבו אודע אין עזה אטאקעס
גאלערי
צה"ל און שב"כ האבן עלימינירט צוויי הויכראנגיקע כאמאס קאמאנדירן אין עזה
די צה"ל קרעפטן אינאיינעם מיט די 'שב"כ' שפיאנאזש אגענטור האבן אין די לעצטע עטליכע טעג סוקסעספול עלימינירט צוויי הויכראנגיקע כאמאס טעראריסטן אין באזונדערע לופט אטאקעס אין עזה.
די טעראריסטן זענען אידענטיפיצירט געווארן אלס מוחאמעד כאלאווא, א קאמאנדיר אין די כאמאס מיליטערישע אינטעלידזשענס אפטיילונג, און אכמעד אבו אודע, וועלכער האט געדינט אלס א קאמאנדיר אין די אינזשענירינג אפטיילונג פון די טעראר גרופע. ביידע זענען געווען טיף פארמישט אין פלאנירן טעראר אטאקעס קעגן ציווילע בירגער און צה"ל זעלנער.
לויט א סטעיטמענט פון די מיליטער, האבן די צוויי טעראריסטן אקטיוו געארבעט צו צוריק אויפבויען די מיליטערישע קראפט און מעגליכקייטן פון כאמאס, און האבן מערערע מאל פארלעצט דעם פייער-אפשטעל אפמאך. די מיליטער האט קלארגעשטעלט אז זיי וועלן ווייטער אנגיין מיט זייערע אפעראציעס צו עלימינירן סיי וועלכע טעראר סכנות.