בס"ד

קליינע ראבאטן כאפן א דרימל אויפ'ן סטעידזש בעת אן 'ענווידיע' פרעזענטאציע אין בערלין

אפילו קליינע ראבאטן דארפן אמאל כאפן א דרימל, אדער כאטש אזוי האט דער 'ענווידיע' (NVIDIA) פירער, דזשענסען הואנג, זיי געזאגט אויפ'ן סטעידזש מיטוואך ביי די GTC קאנפערענץ אין בערלין.

הואנג האט ארויסגעברענגט פיר אזוי-גערופענע "מייקראדאקס" (Microducks) - קליינע 25-צענטימעטער הויכע ראבאטן פונעם פראנצויזישן פירמע 'פאלאן ראבאטיקס' - און זיי געהייסן גיין, זיצן, שטיין, און דערנאך "כאפן א דרימל". דריי פון די פיר ראבאטן זענען טאקע תיכף אומגעפאלן... הואנג האט זיך צולאכט און זיי צוריק אויפגעשטעלט, בעטנדיג זיי זאלן מאכן א קאפ-קולער.

ער האט דערציילט פאר'ן עולם אז די קליינע ראבאטן זענען געשאפן געווארן דורך די "RTX Spark" פראגראם, און זענען טרענירט געווארן אין די 'קלאוד' אויף ענווידיע סופערקאמפיוטערס. א קורצע ווידעא קליפ פון דעם קאמישן מאמענט איז זינט דאן ברייט צושפרייט געווארן אויף די סאציאלע נעצן.

דער "מייקראדאק" ראבאט קאסט 399 דאלאר און ווערט פראדוצירט דורך 'פאלאן ראבאטיקס', וואס איז א טייל פון די 'האגינג פעיס' פירמע. דער ראבאט וועגט אונטער 800 גראם, און פארמאגט 15 מאטארן, א קעמערע, א סענסאר, און א ספעציעלע שנאבל וואס קען אויפהייבן זאכן.

זייערע פעאיגקייטן - ווי שטיין, גיין און כאפן זאכן - ווערן קודם טרענירט אין א קאמפיוטער-סימולאציע און דערנאך אריבערגעלייגט צום עכטן ראבאט. די פירמע זאגט אז די סאפטווער איז 'אפען סארס' (open source), אבער זיי האבן קלארגעשטעלט פאר די פרעסע אז די הארדווער איז נישט, וויבאלד די דיזיין פיילס זענען נישט ארויסגעגעבן געווארן פאר'ן פובליק.

די פירמע האט באריכטעט איבער 10,000 פארקויפונגען אין די ערשטע וואך אליינס, און די דעליוועריס זענען געפלאנט אנצוקומען נאך בעפאר די ענדע יאר חגאות.

פאר 'ענווידיע' איז די דעמא געווען א לייכטע און אינטערעסאנטע וועג צו פראמאטן ביליגע 'פיזישע עי-איי' (AI). די גרויסע פראגע בלייבט אבער, ווי גוט די ראבאטן - וואס זענען טרענירט געווארן אין א קאמפיוטער-סימולאציע - וועלן זיך קענען אן עצה געבן אין די עכטע וועלט איינמאל די סטעידזש לעמפלעך לעשן זיך אויס.