דארף עוואקואירט: באמבע סקוואד אראפגערופן צו די RAF פערפארד באזע נאך א באריכט איבער א פארדעכטיגטע ווען
גאלערי
ווידעאס
דראמאטישע ארעסטן אין ענגלאנד: 5 פארדעכטיגטע טעראריסטן געכאפט נעבן אמעריקאנער מיליטערישע באזע אינמיטן א געפלאנטע באמבע אטאקע
קאנטער-טעראריזם פאליציי אין ענגלאנד האבן געעפנט א דרינגענדע אויספארשונג נאכדעם וואס פינף מענטשן זענען ארעסטירט געווארן נעבן די 'אר-עי-עף פערפארד' (RAF Fairford) מיליטערישע באזע אין גלאסטערשיר, א באזע וואס ווערט באנוצט דורך די אמעריקאנער מיליטער. די ארעסטן זענען דורכגעפירט געווארן איבער א פארדעכטיגטע באמבע פלאט.
די דראמאטישע אפעראציע האט זיך אנגעהויבן זונטאג פארטאגס, ווען א לאקאלער בירגער האט באמערקט דריי קארס וואס האבן זיך אויפגעפירט גאר פארדעכטיגט ארום די באזע און האט גלייך אלארמירט די פאליציי. באוואפנטע פאליציי אפיצירן זענען שנעל אראפגעקומען צום סצענע און האבן ארעסטירט די פינף פארדעכטיגטע אינעם דערנעבנדיגן דארף 'וועלפארד'.
די פאליציי האט דערקלערט דעם מצב אלס א 'מעידזשאר אינצידענט' און האבן עוואקואירט ארום 85 הייזער אין די געגנט אלס א פראקאוציע שריט. ספעציעלע באמבע-סקוואד טיעמס זענען אראפגעברענגט געווארן צו אונטערזוכן די קאנפיסקירטע ווענס. אלע פינף פארדעכטיגטע געפינען זיך יעצט אין ארעסט, בעת די אויספארשער ארבעטן אדורכצוטון די ערשטע פאזעס פון די קעיס.
לויט באריכטן אין די 'טעלעגראף' און אנדערע בריטישע נייעס קוועלער, גלייבן די אויספארשער אז עס איז דא א שטארקע מעגליכקייט אז די אטאקע איז געווען געשטיצט דורך איראן. דאס קומט נאכדעם וואס די פערפארד באזע איז לעצטנס באנוצט געווארן דורך אמעריקאנער קאמפס-עראפלאנען דורכצופירן אטאקעס אויף איראנער צילן.
דאך האלטן די אויספארשער אפן אלע מעגליכקייטן, און מען נעמט אויך אין באטראכט אז עס קען זיין פארבינדן צו רוסלאנד אדער לאקאלע איסלאמישע עקסטרעמיסטן. די ראלע וואס די באזע האט געשפילט אין די לעצטיגע אמעריקאנער אפעראציעס האט עס געמאכט פאר א הויפט ציל פאר טעראריסטן, וואס גיט מער געוויכט צו די טעאריע אז א פרעמדע לאנד שטייט אונטער דעם, כאטש די דעטעקטיוון ווארענען אז קיין שום מאטיוו איז נאך נישט אפיציעל באשטעטיגט געווארן.
דערווייל קענען די איינוואוינער פון די ארומיגע הייזער נאך אלס נישט צוריקקערן צו זייערע היימען, און דאס גאנצע לאנד ווארט מיט שפאנונג צו הערן קלארע דעטאלן ווער עס שטייט אונטער דעם געפלאנטן טעראר אטאקע און וואס זייערע מאטיוון זענען געווען.
קאנטער-טעראריזם פאליציי אין ענגלאנד האבן געעפנט א דרינגענדע אויספארשונג נאכדעם וואס פינף מענטשן זענען ארעסטירט געווארן נעבן די 'אר-עי-עף פערפארד' (RAF Fairford) מיליטערישע באזע אין גלאסטערשיר, א באזע וואס ווערט באנוצט דורך די אמעריקאנער מיליטער. די ארעסטן זענען דורכגעפירט געווארן איבער א פארדעכטיגטע באמבע פלאט.
די דראמאטישע אפעראציע האט זיך אנגעהויבן זונטאג פארטאגס, ווען א לאקאלער בירגער האט באמערקט דריי קארס וואס האבן זיך אויפגעפירט גאר פארדעכטיגט ארום די באזע און האט גלייך אלארמירט די פאליציי. באוואפנטע פאליציי אפיצירן זענען שנעל אראפגעקומען צום סצענע און האבן ארעסטירט די פינף פארדעכטיגטע אינעם דערנעבנדיגן דארף 'וועלפארד'.
די פאליציי האט דערקלערט דעם מצב אלס א 'מעידזשאר אינצידענט' און האבן עוואקואירט ארום 85 הייזער אין די געגנט אלס א פראקאוציע שריט. ספעציעלע באמבע-סקוואד טיעמס זענען אראפגעברענגט געווארן צו אונטערזוכן די קאנפיסקירטע ווענס. אלע פינף פארדעכטיגטע געפינען זיך יעצט אין ארעסט, בעת די אויספארשער ארבעטן אדורכצוטון די ערשטע פאזעס פון די קעיס.
לויט באריכטן אין די 'טעלעגראף' און אנדערע בריטישע נייעס קוועלער, גלייבן די אויספארשער אז עס איז דא א שטארקע מעגליכקייט אז די אטאקע איז געווען געשטיצט דורך איראן. דאס קומט נאכדעם וואס די פערפארד באזע איז לעצטנס באנוצט געווארן דורך אמעריקאנער קאמפס-עראפלאנען דורכצופירן אטאקעס אויף איראנער צילן.
דאך האלטן די אויספארשער אפן אלע מעגליכקייטן, און מען נעמט אויך אין באטראכט אז עס קען זיין פארבינדן צו רוסלאנד אדער לאקאלע איסלאמישע עקסטרעמיסטן. די ראלע וואס די באזע האט געשפילט אין די לעצטיגע אמעריקאנער אפעראציעס האט עס געמאכט פאר א הויפט ציל פאר טעראריסטן, וואס גיט מער געוויכט צו די טעאריע אז א פרעמדע לאנד שטייט אונטער דעם, כאטש די דעטעקטיוון ווארענען אז קיין שום מאטיוו איז נאך נישט אפיציעל באשטעטיגט געווארן.
דערווייל קענען די איינוואוינער פון די ארומיגע הייזער נאך אלס נישט צוריקקערן צו זייערע היימען, און דאס גאנצע לאנד ווארט מיט שפאנונג צו הערן קלארע דעטאלן ווער עס שטייט אונטער דעם געפלאנטן טעראר אטאקע און וואס זייערע מאטיוון זענען געווען.