טאנקער ארויף אין פלאמען נאך אן איראנע דראון אטאקע: 25 קרו מיטגלידער געצווינגען צו פארלאזן די "טארע געז" שיף ביים הארמוז
גאלערי
ווידעאס
דראמאטישע סצענעס: איראנער רעוואלוציאנערע גווארדיע אטאקירט קאמערשעל שיף; מאנשאפט געצווונגען צו שפרינגען אין ים
דראמאטישע ווידעא רעקארדירונגען וואס זענען ארויסגעגעבן געווארן דורך די אינדישע מאטראסן יוניאן צייגט ווי די פאנאמא-געפלאגטע 'MT Tara Gas' שיף איז ארומגענומען מיט העלישע פלאמען און שווארצע רויך, נאכדעם וואס עס איז געווארן אטאקירט אין די הארמוז דורכגאס (Strait of Hormuz).
לויט באריכטן איז די שיף געווארן געצילט צוויי מאל נעבן די קאסאב ברעגעס אין אמאן, דעם 16'טן און 17'טן נאוועמבער. די אטאקעס ווערן דירעקט אנגעלייגט אויף די איראנער רעוואלוציאנערע גווארדיע (IRGCN). די סטרייקס האבן אונטערגעצינדן א מאסיווע פייער אינעם מאטאר-צימער פון די שיף, וואס האט געצווינגען אלע 25 מאנשאפט מיטגלידער - אריינגערעכנט 24 אינדישע בירגער - איבערצולאזן די ברענענדיגע שיף און אריינשפרינגען אין וואסער זיך צו ראטעווען דאס לעבן.
אויפ'ן ווידעא קען מען זען ווי רעטונגס שיפלעך קומען אן צום סצענע בעת עמערדזשענסי אגענטורן האבן געארבעט ארויסצוציען די פארוואגלטע מאטראסן פון די געפארפולע וואסערן. אינדישע באאמטע האבן באשטעטיגט אז צוויי מאנשאפט מיטגלידער זענען פארוואונדעט געווארן, און איין אינדישער מאטראס פעלט נאך אלץ.
די געשעדיגטע שיף איז עווענטועל געברענגט געווארן אונטער קאנטראל אין א זיכערע ארט מיט די הילף פון ספעציעלע שלעפ-שיפן, כאטש די פונקטליכע שאדן און די מעגליכע ענווייראמענטאלע קאנסעקווענצן ווערן נאך יעצט אפגעשאצט דורך עקספערטן.
די אטאקע האט ארויסגערופן שארפע פארדאמונגען פון אינדיע, וועלכע האט געווארנט אז די נאכאנאנדע אטאקעס אויף קאמערשעל שיפינג שטעלט אין א דירעקטע געפאר די לעבנס פון ציווילע מאטראסן און די אינטערנאציאנאלע האנדל. די אינדישע אויסערן מיניסטעריום האט איבערגעגעבן אז 21 אינדישע בירגער זענען סוקסעספול עוואקואירט געווארן קיין קאסאב, אמאן. די צוויי פארוואונדעטע זענען אריינגענומען געווארן אין שפיטאל, און די זוכענישן נאכן פארשוואונדענעם גייען אן מיט א פולן שוואונג.
די הארמוז דורכגאס איז איינע פון די וועלט'ס מערסט סטראטעגישע וויכטיגע שיפינג רוטס, דורכפירנדיג א ריזיגע טייל פון די גלאבאלע אויל און גאז סופליי, וואס מאכט אזעלכע אטאקעס פאר אן ערנסטע סכנה פאר אינטערנאציאנאלע קאמערץ. דער אינצידענט לייגט צו צו די וואקסנדע זיכערהייט זארגן בעת קאמערשעל שיפן שטייען אויס א גרעסערע ריזיקע פון אטאקעס, ספעציעל אין ליכט פון די אנגעצויגנקייטן מיט איראן און אנדערע מיליטערישע כוחות אין די ראיאן.
מאריטים באאמטע האלטן ווייטער א נאענטע אויג אויף די געגנט, און די דראמאטישע בילדער גיבן א שוידערליכע בליק אויף די סכנות מיט וואס מאטראסן דארפן זיך ספראווען אין די אומסטאבילע וואסערן. דערווייל בלייבט דער הויפט פאקוס אויף די רעטונגס אפעראציעס צו טרעפן דעם פארשוואונדענעם מאטראס.