צה"ל רעאגירט צו אן אטאקע דורך מאסקירטע מענער מיט שטעקענעס אין אן איילבירטן פעלד וואס האט פארוואונדעט פינף פאלעסטינער
גאלערי
ווידעאס
בס"ד
אומרוען אין חברון ראיאן: מדנ"י מיליטער פארדאמט אטאקע דורך איזרעליס אויף פאלעסטינער פויערן
דאס מיליטער זאגט אז זיי האבן באהאנדלט אן אינצידענט נעבן די פאלעסטינער דערפער 'סאעיר' און 'בית פאדזשאר' אינעם חברון ראיאן, נאכדעם וואס א ווידעא פונעם געשעעניש האט זיך פארשפרייט אויף די פאלעסטינער סאשעל מידיע ארום מיטאג צייט. אינעם ווידעא קען מען זען מאסקירטע מענטשן אנגעטון אין שווארץ פארן אין א פיקאפ טראק מיט שטעקענעס, וועלכע זענען לויט אלע ווארשיינליכקייטן געווען אויפ'ן וועג צו אטאקירן פאלעסטינער וואס זענען געקומען קלייבן איילבירטן (אליווס).
לויט'ן מיליטער, האבן די אטאקירער געשלאגן די פאלעסטינער און צעשמעטערט די פענסטער פון א קאר, און פינף פאלעסטינער זענען פארוואונדעט געווארן. די מיליטער זאגט אז אירע קרעפטן אינאיינעם מיט די גרעניץ פאליציי (מג"ב) זענען געשווינד אנגעקומען צום סצענע, פארטריבן די אטאקירער און דערקלערט דאס ארט אלס א פארמאכטע מיליטערישע זאנע צו צוריקברענגען די רואיגקייט. שפעטער האבן די פאלעסטינער זיך צוריקגעקערט צו זייער ארבעט ביים פעלד.
א קורצע צייט דערויף, זאגט די מיליטער, זענען אנגעקומען צענדליגע מאסקירטע איזרעלישע ראיאטירער אין צוויי קארס, אבער זיי זענען אנטלאפן נאך בעפאר די זיכערהייט קרעפטן האבן אנגעקומען. סאלדאטן האבן שפעטער באמערקט צוויי פארדעכטיגטע קארס און האבן געשאסן אין די לופטן, און די קארס זענען אנטלאפן צו אן אומלעגאלע אויספאסט אויף א בארג נעבן סאעיר. איינע פון די קארס האט געהאט א פאלעסטינער לייסענס פלעיט און איז געווען א גע'גנב'עטע.
א מיליטערישער ווארטזאגער האט שארף פארדאמט אזעלכע אינצידענטן וואו איזרעלישע ראיאטירער נעמען דאס געזעץ אין די אייגענע הענט, זאגנדיג אז עס נעמט אוועק די אויפמערקזאמקייט פון די קרעפטן, עס שטערט די סטאביליטעט און עס שאדט פאר די אפעראציעס קעגן טעראר. די סטעיטמענט פונעם מיליטער האט נישט דערמאנט קיין שום ארעסטן, ממילא בלייבט אומקלאר וואס די קומענדיגע שריט וועלן זיין.
אומרוען אין חברון ראיאן: מדנ"י מיליטער פארדאמט אטאקע דורך איזרעליס אויף פאלעסטינער פויערן
דאס מיליטער זאגט אז זיי האבן באהאנדלט אן אינצידענט נעבן די פאלעסטינער דערפער 'סאעיר' און 'בית פאדזשאר' אינעם חברון ראיאן, נאכדעם וואס א ווידעא פונעם געשעעניש האט זיך פארשפרייט אויף די פאלעסטינער סאשעל מידיע ארום מיטאג צייט. אינעם ווידעא קען מען זען מאסקירטע מענטשן אנגעטון אין שווארץ פארן אין א פיקאפ טראק מיט שטעקענעס, וועלכע זענען לויט אלע ווארשיינליכקייטן געווען אויפ'ן וועג צו אטאקירן פאלעסטינער וואס זענען געקומען קלייבן איילבירטן (אליווס).
לויט'ן מיליטער, האבן די אטאקירער געשלאגן די פאלעסטינער און צעשמעטערט די פענסטער פון א קאר, און פינף פאלעסטינער זענען פארוואונדעט געווארן. די מיליטער זאגט אז אירע קרעפטן אינאיינעם מיט די גרעניץ פאליציי (מג"ב) זענען געשווינד אנגעקומען צום סצענע, פארטריבן די אטאקירער און דערקלערט דאס ארט אלס א פארמאכטע מיליטערישע זאנע צו צוריקברענגען די רואיגקייט. שפעטער האבן די פאלעסטינער זיך צוריקגעקערט צו זייער ארבעט ביים פעלד.
א קורצע צייט דערויף, זאגט די מיליטער, זענען אנגעקומען צענדליגע מאסקירטע איזרעלישע ראיאטירער אין צוויי קארס, אבער זיי זענען אנטלאפן נאך בעפאר די זיכערהייט קרעפטן האבן אנגעקומען. סאלדאטן האבן שפעטער באמערקט צוויי פארדעכטיגטע קארס און האבן געשאסן אין די לופטן, און די קארס זענען אנטלאפן צו אן אומלעגאלע אויספאסט אויף א בארג נעבן סאעיר. איינע פון די קארס האט געהאט א פאלעסטינער לייסענס פלעיט און איז געווען א גע'גנב'עטע.
א מיליטערישער ווארטזאגער האט שארף פארדאמט אזעלכע אינצידענטן וואו איזרעלישע ראיאטירער נעמען דאס געזעץ אין די אייגענע הענט, זאגנדיג אז עס נעמט אוועק די אויפמערקזאמקייט פון די קרעפטן, עס שטערט די סטאביליטעט און עס שאדט פאר די אפעראציעס קעגן טעראר. די סטעיטמענט פונעם מיליטער האט נישט דערמאנט קיין שום ארעסטן, ממילא בלייבט אומקלאר וואס די קומענדיגע שריט וועלן זיין.