ביירוט - נאנט צו 3,000 כיזבאללא טעראריסטן זענען פארוואונדעט געווארן פון א מיסטעריעזער אפעראציע אנגעבליך אויסגעפירט דורך מדינת ישראל ווען זייערע קאמיוניקאציע  ביפערס האבן אויפגעריסן, צווישן די פארוואונדעטע געפינט דער איראנער אמבאסאדאר קיין לבנון.

די וואונדן זענען מערסטנס אויף די בויך, פנים, און הענט, פון די קערפער פון די טעראריסטן, לויט קאמיוניקאציע עקספערטן האבן די ביפערס אויפגעריסן נאכן איבעגעהיצט ווערן וואס האט געפירט דערצו אז די בעטעריס זאלן אויפרייסן, די ביפערס זענען געווען פון א נייע לעצטיגע שיפמענט.

צווישן די פולע פארוואונדעטע געפונען זיך גאר אסאך הויכראנגיקע כיזבאללא קאמאנדירן וואס האבן גענוצט די סארט אלטמאדישע ביפערס אלס קאמיוניקאציע מיטל ווילנדיג אויסמיידן די מדינת ישראל שפיאנאזש ראדארן פון זיי נאכגיין דורך די היינטיגע סעלפאן טעכנאלאגיע.

לויט דער געזונטהייט מיניסטעריום פון לבנון זענען מאמענטאל שוין דא איבער 2,800 פארוואונדעטע וואס זענען אפגעפירט געווארן צו מער ווי 200 שפיטעלער, פון זיי זענען דא איבער 200 אין א שווערע צושטאנד און 9 טויטע.

קרעדיט: זעמל