Loading
זעמל - טבריה - די ברודער האדמורי"ם מקארלין סטאלין און לויצק ביים אנקומען צום ציון פון זייער מוטער ביים אלטן בית החיים, מיט א ענגע צאל חסידים און מקורבים.   |  זעמל - ליטא - אייניקלעך פון הגאון רבי ברוך בער ליבאוויץ זצ"ל אין שפיץ פון הגאון רבי עוזיאל לייבאוויץ ראש ישיבת ברכת שמואל האבן מוצאי שבת פוקד געווען דער צ..   |  זעמל - ירושלים - א נייע איניציאטיוו פון די "שם טוב" שטריימל פירמע קומט אדרעסירן די הויכע שטריימל פרייזן מיט א נייע איניציאטיוו וואס ערמעגליכט צו באקומען ..   |  זעמל - מעלבוירן - א רירנדיגער מעמד פרידה איז פארגעקומע היינט זונטאג אין ביהמ"ד עדת ישראל אין שפיץ פונעם גאב"ד הגה"צ רבי שלמה קאהן שליט"א..   |  🌴 בצל הקודש סאטמאר 🌴 - תהילים שיעור פון היינט זונטאג ויצא אין ישיבה סניף קדושת יואל אויף קאפיטל ל"ג פסוק כ"ב.   |  🌴 בצל הקודש סאטמאר 🌴 - =זונטאג ויצא=   |   זעמל - טבריה - די ברודער האדמורי"ם מקארלין סטאלין און לויצק ביים אנקומען צום ציון פון זייער מוטער ביים אלטן בית החיים, מיט א ענגע צאל חסידים און מקורבים.   |  זעמל - ליטא - אייניקלעך פון הגאון רבי ברוך בער ליבאוויץ זצ"ל אין שפיץ פון הגאון רבי עוזיאל לייבאוויץ ראש ישיבת ברכת שמואל האבן מוצאי שבת פוקד געווען דער צ..   |  זעמל - ירושלים - א נייע איניציאטיוו פון די "שם טוב" שטריימל פירמע קומט אדרעסירן די הויכע שטריימל פרייזן מיט א נייע איניציאטיוו וואס ערמעגליכט צו באקומען ..   |  זעמל - מעלבוירן - א רירנדיגער מעמד פרידה איז פארגעקומע היינט זונטאג אין ביהמ"ד עדת ישראל אין שפיץ פונעם גאב"ד הגה"צ רבי שלמה קאהן שליט"א..   |  🌴 בצל הקודש סאטמאר 🌴 - תהילים שיעור פון היינט זונטאג ויצא אין ישיבה סניף קדושת יואל אויף קאפיטל ל"ג פסוק כ"ב.   |  🌴 בצל הקודש סאטמאר 🌴 - =זונטאג ויצא=   |  

גיוס געזעץ: ליבערמאן זאגט אז די נייע ביל מוז דורכגיין דעם צה"ל טשיף, בג"ץ און הגאון ר' דוב לאנדאו שליט"א

ו כסלו תשפ"ז

0 51
Main image for גיוס געזעץ: ליבערמאן זאגט אז די נייע ביל מוז דורכגיין דעם צה"ל טשיף, בג"ץ און הגאון ר' דוב לאנדאו שליט"א

ווידעאס


אביגדור ליבערמאן מעלדט פלענער פאר א נייע 'גיוס ביל'; זאגט אז עס וועט מוזן באשטעטיגט ווערן דורך הגאון ר' דוב לאנדא שליט"א

דער ניי-ערוויילטער פארזיצער פון די צייטווייליגע אויסערן און פארטיידיגונגס קאמיטע אין די כנסת, אביגדור ליבערמאן, האט געמאלדן פלענער צו אנהייבן ארבעטן אויף א נייע מיליטערישע רעקרוטירונג ביל, וואס צילט דעם לאנג-יעריגן קריזיס ארום דעם גיוס פון חרדי'שע אידן צום מיליטער.

ביי א רעדע מאנטאג, נאוועמבער 16, האט ליבערמאן געזאגט אז די פארהאנדלונגען איבער דעם געזעץ וועלן זיך אנהייבן נאכמיטאג. ער האט אונטערגעשטראכן אז סיי וועלכע פארשלאג וועט מוזן אדורכגיין דריי קריטישע פראבעס: עס וועט מוזן באקומען די באשטעטיגונג פונעם טשיף אוו סטעף איל זמיר, עס וועט מוזן אדורכגיין די שטרענגע קאנטראל פונעם בג"ץ (העכסטע געריכט), און עס וועט מוזן אקצעפטירט ווערן דורך הגאון ר' דוב לאנדא שליט"א, מנהיג עולם הישיבות.

ליבערמאן האט באשריבן דעם פארגעשלאגענעם ביל אלס די "מערסט פערע לעזונג", טענה'נדיג אז עס מוז נאכקומען די אפעראציאנעלע געברויכן פונעם מיליטער, בשעת עס נעמט אויך אין באטראכט די זארגן פונעם חרדי'שן ציבור. אבער ער האט צוגעגעבן אז דער פארשלאג וועט נישט פארלאנגען אז יעדער זאל דינען. "עס וועט נישט מיינען א גיוס פאר יעדן איינעם, אבער עס וועט זיין די מערסט-פערע געזעץ," האט ער קלארגעשטעלט. זיין מעלדונג צייגט אויף א באנייטע פרואוו צו לעזן איינע פון די מערסט סענסיטיווע אינערליכע פאליטישע און זיכערהייט קריזיסן אין לאנד.

ווי באקאנט איז ליבערמאן שוין לאנגע יארן א שארפער קעגנער קעגן די פטורים און בענעפיטן וואס ישיבה בחורים באקומען, און ער קעמפט שוין לאנג ארויפצוצווינגען דעם גיוס אויפן חרדי'שן ציבור. זיין נייע איניציאטיוו קומט אין א צייט וואס דאס מיליטער פלאגט זיך מיט א שווערן מאנגל אין זעלנער, און א גרויסע איבערשטרענגונג אויף די אקטיווע זעלנער און רעזערוויסטן נאך יארן פון מלחמות און קאנפליקטן.

אינאיינעם מיט די נייע ביל, האט ליבערמאן געמאלדן פלענער אראפצורופן די העכסטע זיכערהייט באאמטע פאר קאמיטע פארהאנדלונגען. צווישן די וואס וועלן ווערן אראפגערופן זענען דער טשיף אוו סטעף, מוסד דירעקטאר ראמאן גאפמאן, שב"כ הויפט דוד זיני, און פאליציי קאמישינער דניאל לוי.

דער איצטיגער שטורעם איז באזונדער וויכטיג נאכדעם וואס דער בג"ץ האט אין יוני 2024 געאורטיילט אז עס איז מער נישטא קיין לעגאלע באזע צו געבן אן אלגעמיינעם פטור פאר חרדי'שע יונגעלייט. דערווייל וועט דער פארגעשלאגענער געזעץ זיך מוזן ספראווען מיט די פארשידנארטיגע פאדערונגען פונעם מיליטער, די פאליטישע פירערשאפט, די געריכטן, און די חרדי'שע פארטרעטער. צי ליבערמאן וועט טאקע קענען דעליווערן אן אפמאך וואס זאל זיין אנגענומען ביי אלע דריי אינסטאנצן, איז עפעס וואס קען באשטימען דעם צוקונפט פונעם גיוס בני ישיבות קריזיס.