אויל דורכברוך: העגסעט זאגט אז די ווענעזועלא דיעל מאכט דעם הארמוז פאר א "נישט-פאקטאר" פאר די מערב וועלט
גאלערי
ווידעאס
דיפענס סעקרעטערי העגסעט אין ווענעזועלע: "דער נייער אויל אפמאך מאכט דעם מיטל-מזרח אומ-וויכטיג פאר אמעריקע"
אמעריקאנער דיפענס סעקרעטערי פיט העגסעט האט אנגעוויזן אויף די פארברייטערטע אויל פארטנערשאפט צווישן די טראמפ אדמיניסטראציע און ווענעזועלע אלס א מאסיווע סטראטעגישע אנטוויקלונג, וואס קען דראסטיש רעדוצירן אמעריקע'ס אפהענגיקייט אין די מיטל-מזרח לענדער.
ביי זיין באזוך אין קאראקאס דעם 18'טן נאוועמבער, האט העגסעט ארויסגעברענגט אז דער צוטריט צו ווענעזועלע'ס ריזיגע אויל רעזערוון טוישט אינגאנצן די ענערגיע בילד פאר די מערב-וועלט, מאכנדיג דעם 'הארמוז דורכגאס' (Strait of Hormuz) פאר א "נאן-פעקטאר" (אומ-וויכטיג) פאר אמעריקע.
דער היסטארישער אפמאך, וואס איז געמאלדן געווארן דורך פרעזידענט דאנאלד טראמפ אין אויגוסט, נעמט ארום 17 ווענעזועלער אויל פעלדער מיט א שאצונג פון 65 ביליאן פאס אויל רעזערוון. לויט דעם פלאן, וועט א פירמע געשטיצט דורך אמעריקע אנטוויקלען די פעלדער, און די פאראייניגטע שטאטן וועט באקומען א גרויסע טייל פונעם אויל דורך אייגנטום און איינקויף רעכטן. די אדמיניסטראציע לייגט דאס אראפ אלס א גאלדענע געלעגנהייט צו פארשטארקן אמעריקע'ס ענערגיע זיכערהייט, בשעת מ'ברענגט אריין פרישע אינוועסטמענטס אין ווענעזועלע'ס צעפאלענע אויל אינדוסטריע.
העגסעט'ס קאמענטארן קומען אין א צייט וואס אמעריקע האלט אין איין קאנפראנטירן איראן איבער דעם הארמוז דורכגאס, א קריטישע אינטערנאציאנאלע שיפינג רוט וואו א ריזיגע פראצענט פון די וועלט'ס אויל און נאטורליכע גאז פארט געווענליך דורך.
עקסטראדישן פון א חיזבאללא טעראריסט און מיליטערישע קאאפעראציע
אין צוגאב האט העגסעט ארויסגעברענגט לשבח די עקסטראדישן פון עלי זאקי האדזש דזשאליל, א פארדעכטיגטער חיזבאללא טעראריסט וועלכער ווערט באשולדיגט אין זיין פארמישט אין די 1994 באמבארדירונג אויף די 'אלאס טשיריקאנאס פלייט 901' אין פאנאמא, וואס האט אומגעברענגט אלע 21 פאסאזשירן דערויף. די באמבע, וואס האט אויפגעריסן קורץ נאכדעם וואס די פליגער האט זיך געהויבן פון קאלאן, בלייבט ביז היינט איינע פון די טויטליכסטע טעראר אטאקעס אין פאנאמא'ס היסטאריע.
די ווענעזועלער אויטאריטעטן האבן באשטעטיגט זיין עקסטראדישן קיין פאנאמא, און ער איז אנגעקומען אהין אין אפריל 2026 צו אויסשטיין די אויספארשונגען איבער די אטאקע. די אדמיניסטראציע צייגט אן אויף די עקסטראדישן אלס א פרישע צייכן פון פארבעסערטע זיכערהייט קאאפעראציע צווישן וואשינגטאן, קאראקאס און אנדערע לאקאלע שותפים.
דורכאויס זיין באזוך אין נאוועמבער, האט העגסעט אויך געמאלדן אן אפמאך צוריקצושטעלן די מיליטערישע פארבינדונגען צווישן אמעריקע און ווענעזועלע, אריינגערעכנט קאאפעראציע אויף טרענירונגען און דאס טיילן שפיאנאזש אינפארמאציע.
כאטש דער נייער אויל אפמאך קען עווענטועל צושטעלן פאר אמעריקע פיל גרעסערע ענערגיע אפציעס, ווארענען עקספערטן אז דאס איבערבויען ווענעזועלע'ס חרוב'ע אויל אינפראסטרוקטור וועט פאדערן מאסיווע אינוועסטמענטס און אסאך צייט, און דערווייל בלייבט דער הארמוז דורכגאס גאר א וויכטיגע סטראטעגישע פונקט פאר די גלאבאלע ענערגיע מארקעט.