בס"ד

טראמפ רעאגירט צום פייערן פונעם הויכראנגיקן פענטאגאן גענעראל איבער ליעקס: "ער גייט האבן גרויסע פראבלעמען"

פרעזידענט טראמפ האט זיך געלאזט הערן איבער די פייערונג פון ארמי לוטענאנט גענעראל ברעט סילוויע, דער פענטאגאן'ס דירעקטאר פאר סטראטעגיע, פלענער און פאליסי אויף די 'דזשוינט טשיפס אף סטאף'.

רעדנדיג צו רעפארטערס אויפן טארמאק, האט טראמפ געזאגט אז דער אפישעל "גייט האבן גרויסע פראבלעמען", און אונטערגעשטראכן אז זיין אדמיניסטראציע "זוכט זייער שטארק נאך ליעקערס". אין די זעלבע רעמארקס האט דער פרעזידענט זיך בטעות באצויגן צו סילוויע אלס א פרוי (she), טראץ וואס דער גענעראל איז א מאן, א טעות וואס האט שנעל געצויגן אויפמערקזאמקייט אויפן אינטערנעט. די קאמענטארן קומען אין א צייט וואס דער פענטאגאן האלט אין איין באזייטיגן הויכראנגיקע אפיצירן, און די פירערשאפט פארשטייפט איר קאנטראל אויף וויאזוי אינפארמאציע רינט ארויס פונעם געביידע.

סילוויע, א 1994 'וועסט פוינט' גראדואירטער און געוועזענער קאמאנדיר פון די 101'טע עירבארן דיוויזיע, איז די וואך אפגעזאגט געווארן דורך דיפענס סעקרעטערי פיט העגסעט נאך מער ווי 30 יאר פון סערוויס. אפישעלס באשולדיגן אים אין ארויסליעקן קלאסיפיצירטע אינפארמאציע איבער די איראן מלחמה און די רוסלאנד-אוקריינא מלחמה. לויט באריכטן האט ער דורכגעפאלן דריי פאליגראף טעסטס, און דער קעיס איז איבערגעגעבן געווארן צום דזשאסטיס דעפארטמענט.

די באשולדיגונגען קומען פון דיפענס אפישעלס און זענען נאכנישט אויפגעוויזן געווארן אין געריכט. טייל באריכטן צייגן אן אז א שפעטערדיגע סטעיטמענט פונעם פענטאגאן איבער די פרשה האט נישט דערמאנט סילוויע ביים נאמען, און אים נישט דירעקט באשולדיגט אין ליעקן, וואס לאזט איבער אפענע פראגעס איבער וואס פונקטליך ער ווערט אנגעבליך באשולדיגט.

מיט די אדמיניסטראציע וואס באטראכט אירע קומענדיגע שריט איבער איראן און אינפארסירט שטרענגע אנטי-ליעק מיטלען, קען די אויסגאנג פון דעם קעיס באשטימען ווי ווייט די קראקדאון אויף ליעקס וועט גיין.