הביאנו המלך חדריו

א דערהויבענע הערליכע באזוך איז פארגעקומען דעם פארלאפענעם וואך דורך כ"ק אדמו''ר מסאטמאר שליט"א אין קרית יטב לב אין באגלייטונג פון בנו הגה"צ אבד"ק שליט"א, דער רבי איז אנגעקומען אין חדר וואו די תלמידים האבן אפגעווארט דעם רבי'ן און געזונגען ספעציעלע חרוזים. דערנאך איז יעדער תלמיד באזונדער אריבערגעגאנגען דעם רבי'ן כבני מרון.

יהי ביתך בית ועד לחכמים

דערנאך איז דער רבי געגאנגען אויף א באזוך אינעם נייעם הויז פונעם רב, וועלכער גרייט זיך שוין אט אריינצוציען אין שטאט. דער רבי האט באטראכט און איז נתפעל געווארן פון די דירה, וועלכע ווערט ספעציעל אויסגערישט פארן רב אין די הערליכע עמערלד דעוועלאפמענט וועלכע ווערט פראכטפול געבויט דורך הרה"ח ר' ישראל חיים בערקאוויטש הי"ו, וואו די הייזער ווערן אין די טעג פארענדיגט און פרישע פאמיליעס גרייטן זיך בקרוב אריינצוציען.

לחזות בנועם ה ולבקר בהיכלו

דערנאך איז דער רבי שליט"א אריבער באאבאכטן די בוי-ארבעט ביים נייעם בית מדרש און האט באוואונדערט די גאלאפירנדע ארבעט וואס רוקט זיך פאראויס גאר שנעל אויף אלע פראנטן להתחדש לקראת ראש השנה תשפ"ז הבעל"ט, דער רבי האט געגעבן ברכת קדשו פאר די  עוסקים במלאכת הקודש.

פון דארט איז דער רבי שליט"א אריבער לביתו נאוה קודש אין שטאט ווי דער ציבור איז אריין לברך ולהברך לקראת ימי החרמים והרצון, אויפדערנאכט איז פארגעקומען דער שלחן הטהור וסעודת הילולא לרגל יומא דהילולא של מר הגה"ק בעל ייטב לב זי"ע אין ביהמ"ד אור החיים