כ"ק אדמו"ר מוויזניץ לרפו"ש באשטימט זיין זון הרה"צ ר' יעקב מרדכי האגער שליט"א אלס רב און אב"ד פון די וויזשניצער קהילות אין אמעריקע און קאנאדע.
גאלערי
היסטארישע מינוי בחצר הקודש וויזשניץ:
כ"ק אדמו"ר מוויזשניץ שליט"א באשטימט זיין הרה"צ ר' יעקב מרדכי האגער שליט"א אלס רב און אב"ד פון די וויזשניצער קהילות אין אמעריקע און קאנאדע.
א גרויסע שמחה און התרגשות הערשן ביי חסידי וויזשניץ איבער די וועלט, און באזונדער אין אמעריקע, נאכדעם וואס כ"ק אדמו"ר מוויזשניץ שליט"א פון בני ברק האט באשטימט זיין אינגסטן זון, הרה"צ ר' יעקב מרדכי האגער שליט"א, צו דינען אלס רב און אב"ד פון אלע וויזשניצער קהילות איבער די פאראייניגטע שטאטן און קאנאדע.
דער 49-יעריגער רב שליט"א, וועלכער דינט שוין ביז איצט מיט גרויס הצלחה אלס רב פון די וויזשניצער קהילה אין אלעד, וועט איצט איבערנעמען די פירערשאפט און אויפזוכט איבער די ברייטע און וואקסנדע נעץ פון קהילות, מוסדות און בתי מדרשים איבער גאנץ נארט אמעריקע.
די נייע מינוי קומט נאך לענגערע בקשות פון די ראשי הקהילה און עסקנים פון די וויזשניצער קהילות אין אמעריקע, וועלכע האבן געזוכט א פערמאנענטע רבני'שע אויטאריטעט וואס זאל פירן און אנווייזן די קהילות. די ענדגילטיגע באשלוס איז געשלאסן געווארן ביי א פריוואטע אסיפה אינאיינעם מיט חשוב'ע רבנים און פארשטייער פון די קהילות.