היסטארישער 'כינוס השכונה', דעם פארלאפענעם מאנטאג  אח"ק ברענגט צוזאם הונדערטער תושבי שכונת ויואל משה למען  ביהמ"ד הגדול בית יקותיאל החדש אין קרית יואל, אוועקצושטעלן א פעסטן בסיס און יסוד פאר'ן בנין המפואר ביהמ"ד בית יקותיאל וועלכע ווערט געבויעט אין שכונת ויואל משה.

די פריידיגע מאורע האט זיך אנגעהויבן פארלאפענעם שבת קודש פ' תז"מ ווען הגה"צ אב"ד ור"מ סאטמאר שליט"א איז געקומען פראווענען דעם שב"ק בתוככי השכונה, וואו עס  איז אויפגעטריבן געווארן די קאלאסאלע סומע פון אריבער 1.1 מיליאן דאלער נדבות דורך תושבי השכונה און נגידי הקהילה.

דער הויכפונקט איז געווען דער גרויסארטיגער 'כינוס השכונה' בראשות כ"ק  אדמו"ר מסאטמאר שליט"א וועלכער איז ספעציעל ארויסגעקומען באשיינען בראש המסובים און משמיע געווען דעם משא המעמד. 

אויך איז דארט געווען א גאר רייכער אווענט מיט שיינע אויפטריטן און פאנעלן.

דורכאויס דעם מעמד זענען אונטערגעשריבן געווארן א ס"ה פון 2.1 מיליאן דאלער אין שטרות בלויז פון די תושבי השכונה, וואו עס איז פארקויפט געווארן א רייע 'זכותים' אינעם בנין האדיר, דורכן ברייטן ציבור, וועלכע זען דא אין א גאלדענע געלענהייט צו מנציח זיין די נעמען פון די באקאנטע לאורך ימים ושנים.