כִּי אַתָּה ה' בָּאֵשׁ הִצַּתָּהּ, וּבָאֵשׁ אַתָּה עָתִיד לִבְנוֹתָהּ.

ווי שוין באריכעטעט אין אלע אידישע צייטונגען האט פאסירט א שרעקליכע שריפה אינעם עיר הישועות טשענגער, בשעת'ן איבערבויען דעם בנין הבית המדרש הארט נעבן די בנין הכנסת אורחים, די שרעקליכע פייער האט פארניכטעט די גאנצע דאך פונעם בנין מקוה טהרה, ווי אויך די ווענט און עס איז געווען שווערע געלט שאדן פאר אינעווייניג פונעם בנין, טראץ די גרויסע שאדנס וואס דער בנין ביהמ"ד האט געליטן מיט די שריפה האט מען זיך שוין גענומען צו די ארבעט צו פאריכטן דעם גאנצן בנין. 

אריבער 30 ארבעטער ארבעטן טעגליך כדי צוצוענדיגן די בנין הבית המדרש בתפארתו אויף קומענדיגע זומער, די געטרייע עסקני מוסדות טשענגער גייען ארום אין די טעג על פתחי נדיבים צו אויפטרייבן די נדבות המשכן, און מען באקומט הערליכע סכומים פון די נדבנים וואס שטרענגען זיך אן און באשטייערן גאר שיינע סומעס צו קענען צוריקשטעלן הבית על מכונו.

לויט די יעצטיגע פלענער, גרייט מען זיך צו פייערן דעם חנוכת בנין הבית המדרש, מקוה טהרה והכנסת אורחים אין געציילטע חדשים ארום, ווען עס וועט שטיין בנוי ומשוכלל ברוב פאר והדר, גרייט צום באנוץ פון די טויזנטער אידן וואס קומען א גאנץ יאר און אויף די יארצייט פוקד זיין דעם ציון הישועות פונעם מופת הדור בעל מנוחת אשר מטשענגער זיע"א

.