כליל בהדרו - מחוץ תצפנו!

שטחים אַרום מגדל הת"ת האדיר "בנין ווערצבערגער" דמוסדות סאַטמאַר-מאָנסי פולקאָם פאַרענדיגט מיט פריש-געגאָסענע שיכט פּעיווינג

מצוה גוררת מצוה: ערמעגליכט געוואָרן מיט גאָלדענע נדבת לבו הטוב פונעם בעל אכסני' של תורה, הרבני הנגיד נדבן "בנין ווערצבערגער" הי"ו

פּתיחת שערים: פאַרצווייגטע פּעיווינג פּראָיעקט נעמט אַריין פּערמאַנענט אַהערשטעלן נייע באַקוועמע וועג אַריין צו די שטחי המוסדות פון רוט. 45

וועט בעז"ה ברענגן אַ נייע פּאַרקינג עפּאָכע אין די פאַרנומענע שמחה-סעזאָנען אין די שמחה-זאלן אויפ'ן שטח המוסדות, ווען די נייע אַריינפאָר און אַרויספאָר וועט ערמעגליכן אַ געזונטע טראַפיק-פלוס פון די פּאַרקינג שטחים

ושמור צאתנו ובואנו לחיים ולשלום: שפּאָגל נייע 'פּיק-אָפּ' און 'דראַפּ-אָפּ' פאר די באָסעס-פלאָטע אַהערגעשטעלט צופיסנס פונעם מגדל הת"ת "בנין ווערצבערגער", פאָרנט פונעם בנין הת"ת "בנין פריעדמאַן"

אַז די קינדער זאלן פאָרזיכטיג און פאַרזיכערט קענען אָפּשטייגן פון די באָסעס ביים אָנקומען אין חדר צו ביידע בניני התלמוד תורה, און דאָס זעלבע ביים אויפשטייגן אויף די באָסעס ביים אַהיימגיין פון חדר, נייע 'פּיק-אָפּ' און 'דראַפּ-אָפּ' פאר די באָסעס-פלאָטע אַהערגעשטעלט מיט די מאַקסימאַלסטע סעפטי מאָסנאַמען פאר אונזערע לעכטיגע קינדער

והיה המשכן אחד: נאָרוואָס פאַרענדיגטע ראָוד אונטער'ן בנין הת"ת בנין פריעדמאַן, עפענט אויף נייע טראַפיק-קאַנאַל וועלכע פאַרבינדט די גאַנצע שטח המוסדות צו אַ ריזיגע פלוסיגע פאַרקער

נייע וועג הערליך שיין פאַרענדיגט און אויסגעפלאַסטערט אונטער'ן בנין פון עטרת חי' שרה חתונה-זאַל ערמעגליכט שנעלע און גרינגע צוטריט צו אַלע זייטן און צו אַ געזונטע טראַפיק פלוס פאַרבינדענדיג אַלע ביז יעצטיגע פּאַרקינג שטחים צו איין גרויסע מאַסיווע פּאַרקינג שטח