אין חסידות סאסוב איז ארויסגעקומען דער נייער ספר "יושר דברי אמת המבואר" מיט די פירושים "נועם אמרים" פון כ"ק אדמו"ר מסאסוב שליט"א, ארויסגענומען פון זיינע שיעורים איבער די יארן.

דער ספר 'יושר דברי אמת' (געשריבן פאר 250 יאר צוריק) איז כידוע גאר עמוק און שווער. אין די שיעורים האט דער רבי מסביר געווען די ענינים אויף א גאר קלארן און לייכטן אופן וואס יעדער קען פארשטיין.

דער ספר איז באארבעט געווארן דורך דעם משפיע הרה"ג רבי משה רויטמן שליט"א, רב קהילת 'בני היכלא' אין גבעת זאב.

נאך די ערשטע סליחות איז פארגעקומען א 'לחיים' אין בית המדרש אין קרית ישמח משה, וואו דער רבי האט ארויסגהויבן די חשיבות פון לערנען דעם ספר איצט ווען ער איז קלאר פאר יעדן.

אין חסידות מעלדעט מען אז דאס איז נאר דער אנהייב, און מען גרייט צו נאך ספרים פון די הונדערטער שיעורים וואס דער רבי האט פארגעזאגט במשך עשרות שנים.