פארגאנגענע מוצש"ק פ' וישב איז פארגעקומען א רירנדע און געהויבענע מעמד בביתו נאווה קודש פונעם פאר הדור הגה״צ ר׳ יעקב מאיר שעכטער שליט״א צו די ערשיינונג פון א נייע ספר פון די הייליגע דיבורים פון ר׳ יעקב מאיר שליט״א אויף חנוכה.

די נייע ספר אין די סעריע פון ספרים אויף די ימים טובים וזמני השנה איז ארויסגעגעבן געווארן דורך מכון דורשי יחודך וואס געבט זיך אפ להשקות את הצמאים לדבר ה׳ פון די ריינע קוואל פון הרה״צ ר׳ יעקב מאיר שליט״א אויף זיין ארגינעלע גאלדענע שפראך, לשונו הטהור מילה במילה.

בשעת די מסיבת לחיים רבתי לרגל דאס ערשיינונג פון די נייע הערליכע תורה מפוארה, האט הגה״צ רבי יעקב מאיר שליט״א געהייסן אז מען זאל פארלערנען פונעם ספר פון אינעווייניג, און דערנאך ווארעם געוואונטשן און באדאנקט די אלע עוסקים במלאכת הקודש, און די אלע וואס העלפן ארויס און ארבעטן ארויסצוגעבן די ספרי מכון דורשי יחודך.

ביים ענדע פונעם מעמד האט הגה״צ רבי יעקב מאיר שליט״א פארטיילט דעם נייעם ספר פאר אלע חברי המכון ועורכי הספר און מאציל געוועהן מברכת קדשו פאר יעדן באזונדער.

קרעדיט: יחיאל רייכמאן